Aranžavy ŭzrovień niebiaśpieki abjaŭleny ŭ krainie na 8 i 9 krasavika ŭ suviazi z uzmacnieńniem vietru. Pra heta paviedamlaje Respublikanski centr pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa.
«Aranžavy ŭzrovień niebiaśpieki. Siońnia, 8 krasavika (sierada), da 23.00 pa paŭnočnaj pałovie krainy i ŭ Minsku čakajecca ŭzmacnieńnie paŭnočna-zachodniaha vietru paryvami da 15—20 mietraŭ u siekundu», — paviedamili ŭ centry.
Sinoptyki taksama adznačyli, što ŭ bližejšyja sutki, 9 krasavika, viecier značna ŭzmocnicca taksama na paŭnočnym uschodzie krainy.
Pra niebiaśpieku takoha nadvorja i mocnaha vietru papiaredžvaje i pres-słužba MNS.
U viedamstvie nahadali, što pry vychadzie na vulicu hramadzianam nieabchodna ŭličvać ŭmovy nadvorja i być jak maha bolš uvažlivymi da siabie i adzin adnaho. Akramia taho, u MNS papiaredžvajuć ab mahčymych paškodžańniach linij elektrapieradačy, avaryjach na transfarmatarnych padstancyjach, abrušeńni słaba umacavanych kanstrukcyj budynkaŭ i zbudavańniaŭ, rekłamnych ščytoŭ, padzieńni dreŭ i t. D.
«U metach biaśpieki začynicie vokny ŭ siabie doma. Mašynu pastaŭcie ŭ haraž, pry adsutnaści haraža mašynu varta parkavać udalečyni ad dreŭ, a taksama słaba umacavanych kanstrukcyj. Znachodziačysia na vulicy, abychodźcie chistkija budynki, damy ź niaŭstojlivym dacham i rekłamnyja ščyty», - paraili ŭ MNS
