Były abaronca anhlijskaha futbolnaha kłuba «Livierpul» Andrea Dasena aryštavany pa padazreńni ŭ kradziažy. Pra heta paviedamlaje The Daily Mail.
sunderlandnow.com
33-hadovy Dasena byŭ zatrymany na zachadzie Łondana razam z 31-hadovaj siabroŭkaj ŭ aŭtorak, 7 krasavika. Palicyja padazraje paru ŭ abkradańni kramy Harrods — adnaho z najbujniejšych univiermahaŭ brytanskaj stalicy. Što mienavita skrali Dasena i jaho siabroŭka, nie paviedamlajecca.
U palicyi zajavili, što para prabudzie pad aryštam da kanca krasavika. Kiraŭnictva ŭniviermaha admoviłasia ad kamientaroŭ.
Dasena viadomy pa vystupach za anhlijski «Livierpul» (2008-2010), a taksama italjanskija «Vieronu» (2001-2005), «Udyneze» (2006-2008) i «Napali» (2010-2013). Z 2014 hoda italjaniec vystupaje za łondanski kłub «Lejtan Oryjent», jaki hraje ŭ pieršaj lizie (treci pa značnaści futbolny dyvizijon Anhlii). Za zbornuju Italii abaronca pravioŭ 10 matčaŭ.
