Za apošnija dva miesiacy adbyłosia istotnaje ŭmacavańnie rasijskaj nacvaluty, a ŭ sakaviku upieršyniu z pačatku hetaha hoda na Maskoŭskaj biržy dalar apuściŭsia nižej adznaki ŭ 57 rubloŭ.
«Rasijanie adyhrali mnohija niehatyŭnyja momanty, ciapier rubiel pačuvajecca niakiepska, — udakładniaje finansavy analityk TeleTrade Alaksandr Jahoraŭ. — Pik padzieńnia rasijskaha rubla ŭžo projdzieny, znojdzienaja zbałansavanaja pazicyja. U bližejšy čas najbolš vierahodny kurs rubla ŭ adnosinach da dalara ŭ dyjapazonie ad 55 da 65. A ličby ŭ 90 rubloŭ za dalar, jakija prahnazujuć niekatoryja analityki, nierealnyja».
«Rasijski i biełaruski rubli ŭsio drennaje ŭžo adyhrali, dalej budzie pazityŭny scenar», — padtrymlivaje kalehu kiraŭnik departamienta źniešnich kamunikacyj TeleTrade Ihar Cichi. Nahadajem, u adnosinach da pačatku tydnia rubiel umacavaŭsia na 150 rubloŭ.
Adnak u dačynieńni da biełaruskaj nacvaluty analityki strymanyja ŭ prahnozach.
«Na doŭhaterminovuju pierśpiektyvu składana rabić prahnozy, ale ŭ chutkim časie biełaruski rubiel budzie ŭmacoŭvacca. Šmat u čym za košt palityčnych momantaŭ», — adznačaje ekśpiert kampanii «Biźnies-Foreks» Andrej Amialkovič.
Ale treba pryznać, što mnohich zaraz bolš cikaviać adnosiny inšy valutnaj pary — jeŭra i dalara.
Na dumku vice-prezidenta HK TeleTrade Dźmitryja Dryhajły, u kancy hetaha hoda kursy dalara i jeŭra zraŭniajucca.
Niahledziačy na heta analityk raić biełarusam zachoŭvać svaje źbieražeńni ŭ abiedźviuch valutach.
«Tym, u kaho źbieražeńni ŭ jeŭra, nie treba biehčy ŭ abmieńnik i mianiać ich na amierykanskuju valutu. Na abmienie vy zhubicie značna bolš», — adznačyŭ Dźmitryj Dryhajły.
Tym biełarusam, jakija zachoŭvajuć svaje źbieražeńni ŭ jeŭra, ale pry hetym nie chočuć chvalavacca za ich zachavanaść, Alaksandr Jahoraŭ raić abmianiać ich na biełaruskija rubli i pakłaści na depazitny rachunak u adzin z bankaŭ. «Staŭki ŭ 45% kali i nie dapamohuć prymnožyć źbieražeńni z-za devalvacyi rubla, ale chacia b dazvolać nie stracić hrošy», — pierakanany ekśpiert.
Kali havorka idzie ab bujnych sumach, ekśpierty rekamiendujuć źviarnuć uvahu na nabyćcio nieruchomaści za miežami Biełarusi:
«Vyhadnaje ŭkładańnie — kupla nieruchomaści ŭ Litvie, Łatvii ci Ukrainie», - miarkuje Dźmitryj Dryhajła.
«Tracinu svajho dachodu vydatkoŭvaju na budaŭnictva doma, tracinu pieravodžu ŭ valutu (jeŭra i dalar), a astatniaje — śpiekulatyŭnyja hrošy (hulnia na valutnym rynku i na papierach kampanij)», — raspavioŭ pra svaju stratehiju Ihar Cichi.
