Nabližajecca hałoŭnaje śviata viasny – Vialikdzień. Śviata uvaskrašeńnia Chrysta – hałoŭnaja ŭračystaść dla chryścijan usich denaminacyj, jakaja simvalizuje pieramohu duchu nad śmierciu i złom.
Vialikija nadziei na ŭvaskrasieńnie svaj movy i kultury, niahledziačy na ich žaluhodny siońniašni stan, z hetym śviatam źviazvajuć biełarusy. Bolš za 100 hadoŭ nazad Siarhiej Pałujan pisaŭ: «Što havorać tabie zvany, Biełaruski Narod? Ci nie vinšujuć jany ciabie i z tvaim ułasnym vialikim śviatam?..Ciabie katavali. Ty ciarpieŭ muki, ale nie ŭmior. Hłyboka, hłyboka ty zachavaŭ svaju dušu. Ź vialikim śviatam vinšuju! Ź vialikim śviatam, Vialiki Biełaruski Narod! — Chrystos uvaskros».
Padčas vielikodnaj akcyi «ARCHE» možna tanna, ź vialikimi źnižkami, zamović cikavyja i hruntoŭnyja vydańni na temu biełaruskaj historyi, movy i kultury. Usiaho na rasprodaž vystaŭlena bolš za 30 pazicyj.
Usie hetyja vydańni ŭ ramkach rasprodažu možna zamović z 25 sakavika i da 20 krasavika 2015 h., dasłaŭšy elektronny list na adras [email protected]. Cana kožnaha vydańnia (nie ŭklučajučy koštu dastaŭki) paznačana niepasredna pry kožnaj pazicyi. Dastaŭka adnaho vydańnia, u zaležnaści ad jaho vahi, moža kaštavać ad 35 da 55 tysiač rubloŭ.
Mahčyma kurjerskaja dastaŭka pa Miensku. Pry zamovie kamplekta vydańniaŭ ad 5 asobnikaŭ dastaŭka robicca za košt vydaŭca.
Zamaŭlajučy vydańni, u poli «Tema» paznačajcie «Vielikodny rasprodaž». U liście, akramia pieraliku patrebnych vydańniaŭ, treba paznačyć svaje dakładnyja kaardynaty: paštovy adras, indeks, proźvišča i inicyjały, i telefon dla kamunikacyi. Prapanova dziejničaje tolki na terytoryi Respubliki Biełaruś.
VYDAŃNI, JAKIJA VYSTAŬLAJUCCA NA RASPRODAŽ:
№ 10/2014 («Radzima»; ahulny abjom 476 staronak)
U hetym numary sabranyja materyjały, jakija tak ci inakš refleksujuć nad temaj rodnaha domu ci prynamsi niejkim bokam datykajucca jaje.
Siarod aŭtaraŭ numara: Raberta Bałańjo, Siarhiej Bałachonaŭ, Tania Skarynkina, Mikałaj Chalezin, Amas Oz,Efraim Sievieła, Dźmitryj Hurnievič i inš.
Poŭny źmiest numara dastupny TUT.
Cana — 40 000 rubloŭ.
№9/2014 («Histaryjahrafija 1920-ch hadoŭ: «doŭhaje XIX stahodździe»»; ahulny abjom 429 staronak)
Numar źjaŭlajecca łahičnym praciaham toŭstaha № 7 časopisa za 2009 hod «Histaryjahrafija 1920-ch: Siaredniaviečča i rańniemaderny čas». Hetym razam da ŭvahi amataraŭ i znaŭcaŭ biełaruskaje historyi prapanujecca panarama histaryjahrafii 1920-ch hadoŭ, pryśviečanaja nastupnamu, asobnamu pieryjadu madernaj epochi — našamu «doŭhamu XIX stahodździu». Hety tom płanujecca vydać u dźviuch častkach, hetu numar – pieršaja ź ich. U jaho ŭvajšli pracy, pryśviečanyja nacyjanalnym pracesam i sacyjalnaj historyi. Pry hetym aŭtarami aśviatlajecca historyja nie tolki biełarusaŭ, ale i inšych etničnych hrup našaha kraju, u pieršuju čarhu habrejaŭ i palakaŭ. Siarod aŭtaraŭ numara: Alaksandr Šlubski, Leŭ Ćviatkoŭ, Michajła Pijatuchovič, Uładzimir Pičeta, Daniła Vasileŭski, Michaił Mialeška, Izrail Sosis, H. Pierlin, Sałamon Kacenbohien, Ryhor Rak, Janka Laŭčuk.
Poŭny źmiest numara dastupny TUT.
Cana — 40 000 rubloŭ.
№7-8/2014 («Zachodniaja Biełaruś. Mižvajenny pieryjad»; ahulny abjom 422 staronki)
Zachodniebiełaruskaja spadčyna — heta šmat ŭ čym «niazručnaje minułaje». Jano było takim u saviecki čas, a z peŭnymi źmienami dy madyfikacyjami zastajecca i ciapier. Naturalna, dziakujučy vysiłkam akademičnaj supolnaści, asabliva za apošnija 25 hadoŭ, było šmat zroblena dla lepšaha razumieńnia i asensavańnia jak mižvajennaha pieryjadu dy vieraśnioŭskich padziej, tak i asablivaściaŭ dy miesca Zachodniaj Biełarusi ŭ paślavajennaj BSSR. Šmat «biełych plamaŭ», adnak, zastajecca i siońnia.
Poŭny źmiest numara dastupny TUT.
Cana — 45 000 rubloŭ.
№6/2012 («Vajskovaja historyja Vialikaha Kniastva Litoŭskaha»; ahulny abjom 494 staronki)
U numary pradstaŭlenyja daśledavańni aŭtaraŭ ź Biełarusi (Mikoła Vołkaŭ, Vital Kalada, Viktar Jakubaŭ, Kirył Karluk, Natalla Śliž,), Polščy (Andžej Hžehaž Pšepiurka, Konrad Babiatynski, Kšyštaf Kasažecki, Piotr Krol, Tomaš Ciasielski, Maryjuš Savicki, Andžej Adam Majeŭski), Litvy (Vałdas Rakucis, Antanas Ciła, Rajmonda Rahaŭskienie) i Rasii (Iryna Hierasimava). U publikacyjach aśviatlajucca pytańni historyi asobnych vajskovych adzinak i harnizonaŭ, vajskovaha zakanadaŭstva VKŁ, upłyvu vojnaŭ i vajskoŭcaŭ na palityčnyja i kulturnyja pracesy ŭ krainie. Šmat miesca nadajecca apisańniu asobnych bitvaŭ, a taksama žyćciapisam najbolš vydatnych tahačasnych pałkavodcaŭ. Upieršyniu ŭ hetym numary byli źmieščanyja materyjały rekanstrukcyi źniešniaha vyhladu vajaroŭ VKŁ XVII st.
Poŭny źmiest numara dastupny TUT.
Cana — 50 000 rubloŭ.
№ 7—8/2011 («Praź śviaty — da dušy», ahulny abjom 312 staronak)
U numary razhladajecca tema śviatočnaj kultury Biełarusi ŭ roznych aśpiektach i z roznych punktaŭ hledžańnia.
Poŭny źmiest numara dastupny TUT.
Cana — 35 000 rubloŭ.
№ 2/2013 («Histaryčnaja pamiać i histaryčnaja palityka ŭ Biełarusi»; ahulny abjom 487 staronak)
U numary pradstaŭlenyja šmatlikija i raznapłanavyja materyjały biełaruskich i zamiežnych aŭtaraŭ, skampanavanyja pa raździełach «Palityka pamiaci», «Histaryčnaja palityka», «Histaryjahrafičnaja dumka» i «Histaryčnaje minułaje ŭ masavaj śviadomaści».
Poŭny źmiest numara dastupny TUT.
Cana — 55 000 rubloŭ.
№6/2014 («Mahnateryja Vialikaha Kniastva Litoŭskaha»; ahulny abjom 385 staronak)
U numary aśviatlajucca pytańni jak zaradžeńnia mahnackaha stanu ŭ VKŁ, tak i jahonaha dalejšaha raźvićcia dy zaniapadu. Artykuły pryśviečanyja jak asobnym jaskravym postaciam, tak i historyi cełych mahnackich rodaŭ, ich uładańniaŭ dy śpiecyfičnych instytutaŭ, ź imi źviazanych. U numary drukujucca pracy biełaruskich (Nina Skiepjan, Natalla Śliž, Dźmitryj Vićko, Nastaśsia Skiepjan), litoŭskich (Rymvidas Piatraŭskas, Hianucie Kirkienie, Vidas Dalinskas, Ramunie Šmihielskicie-Stukienie, Rajmonda Rahaŭskienie) i polskich (Tomaš Kempa, Andžej Adam Majeŭski, Adam Danilčyk, Kšyštaf Kasažecki, Maryjuš Savicki, Alaksandra Ziobier).
Poŭny źmiest numara dastupny TUT.
Cana — 45 000 rubloŭ.
№ 3/2014 («Viciebskija historyi»; ahulny abjom 384 staronki)
Hety numar całkam pryśviečany Viciebsku i jaho tysiačahadovaj historyi. Jak pišuć u pradmovie jaho ŭkładalniki, «Viciebsk histaryčna maje pamiežny status. Za tysiačahadovuju historyju tolki dva stahodździ kala jaho nie prabiahała miaža. Uvieś astatni čas vićbičy — na franciry, što naklikała na horad biedstvy ad zachopaŭ i akupacyj. Tema źniščeńnia, ramontu, adnaŭleńnia i zaniadbańnia zamkaŭ pastajanna padymałasia žycharami Viciebska ŭ jaho siaredniaviečnaj i rańniemadernaj historyi».
Poŭny źmiest numara dastupny TUT.
Cana — 50 000 rubloŭ.
№ 4/2013 («Biełaruś u ciani Paleśsia»; ahulny abjom 640 staronak)
Numar całkam pryśviečany historyi i kultury Biełaruskaha Paleśsia ŭ XIX—XXI stst. Na jaho staronkach apublikavanyja materyjały pa ahulnaj historyi rehijona i historyi asobnych miascovaściaŭ, bijahrafičnyja, etnałahičnyja i demahrafičnyja daśledavańni, uspaminy.
Poŭny źmiest numara dastupny TUT.
Cana — 60 000 rubloŭ.
№ 5/2012 («Humanitarny ahlad-III»; ahulny abjom 283 staronki)
Zbornik recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Aleś Smalančuk, Alaksandr Paškievič, Dźmitryj Vićko, Andrej Katlarčuk i inšyja.
Poŭny źmiest numara dastupny TUT.
Cana — 15 000 rubloŭ.
№ 4/2012 («Humanitarny ahlad-II»; ahulny abjom 308 staronak)
Zbornik recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Hienadź Siemiančuk, Piotra Sadoŭski, Ina Sorkina, Alaksiej Kaŭka i inšyja.
Poŭny źmiest numara dastupny TUT.
Cana — 15 000 rubloŭ.
№ 1—2/2012 («Biełaruś evanhielskaja»; ahulny abjom 331 staronka)
U numary aśviatlajucca raznastajnyja aśpiekty historyi pratestantyzmu na Biełarusi z XVI st. da našych dzion.
Poŭny źmiest numara dastupny TUT.
Cana — 20 000 rubloŭ.
№ 11/2011 («Biełaruski humanitarny ahlad»; ahulny abjom 504 staronki)
U numary drukujucca raznastajnyja aryhinalnyja materyjały pa historyi i litaratury, šmatlikija recenzii i knižnyja ahlady.
Poŭny źmiest numara dastupny TUT.
Cana — 40 000 rubloŭ
№ 9/2011 («Aŭstryja: ad impieryi da nacyi»; ahulny abjom 455 staronak)
Numar składajecca z raznapłanavych tekstaŭ roznych žanraŭ, pakazana raźvićcio aŭstryjskaj dziaržavy, śviadomaści, mastactva, litaratury ŭ vielmi dramatyčny pramiežak času — pryblizna za apošnija 100 hadoŭ. Asobnaja rubryka pad nazvaj «Biełaruskaja Aŭstryja» pryśviečana roznym aśpiektam biełaruska-aŭstryjskich suviaziaŭ.
Poŭny źmiest numara dastupny TUT.
Cana — 30 000 rubloŭ.
№ 5/2011 («Połacak: padarožža ŭ prastory i časie»; ahulny abjom 412 staronak)
U numar uklučanyja šmatlikija materyjały pa historyi i kultury najstaražytniejšaha biełaruskaha horada, siarod aŭtaraŭ — Uładzimir Arłoŭ, Aleh Łatyšonak, Aleś Kraŭcevič, Vasil Varonin, Siarhiej Tarasaŭ, Viktar Žybul i inš.
Poŭny źmiest numara dastupny TUT.
Cana — 30 000 rubloŭ.
№ 1—2/2011 («19 śniežnia 2010: Płošča»; ahulny abjom 277 staronak)
Hety numar byŭ pieršaj sprobaj pa haračych śladach kompleksna acanić i praalizavać toje, što adbyłosia ŭ Miensku padčas apošnich prezidenckich vybaraŭ. U materyjałach, źmieščanych u numary, razhladajecca jak pieryjad, što papiaredničaŭ dniu hałasavańnia, tak i padziei Płoščy 2010 h., a taksama toje, što adbyvałasia paśla jaje.
Poŭny źmiest numara dastupny TUT.
Cana — 15 000 rubloŭ.
Miesckija ŭłady Połacka (1580—1772 hh.): arhanizacyja, piersanalny skład (ahulny abjom 198 staronak)
U knizie razhledžany arhanizacyja, dziejnaść i piersanalny skład miesckich uładaŭ mahdeburhskaha Połacka ŭ kancy XVI — treciaj čverci XVIII stst.
Poŭny źmiest knihi dastupny TUT.
Cana — 99 000 rubloŭ.
«Letapisy i chroniki Biełarusi. Siaredniaviečča i rańniemaderny čas» (ahulny abjom 903 staronki)
Vydańnie ŭtrymlivaje teksty praktyčna ŭsich viadomych na siońniašni dzień biełaruska-litoŭskich letapisaŭ.
Poŭny źmiest knihi dastupny TUT.
Cana — 55 000 rubloŭ.
Aleh Łatyšonak, Jaŭhien Miranovič. «Historyja Biełarusi ad siaredziny XVIII st. da pačatku XXI st.» (ahulny abjom 368 staronak)
U abahulnialnaj pracy biełastockich historykaŭ biełaruskaha pachodžańnia razhladajucca asnoŭnyja momanty historyi Biełarusi apošnich dvuch z pałovaj stahodździaŭ. Aŭtary, niahledziačy na svajo polskaje hramadzianstva, adstojvajuć pierš za ŭsio biełaruski, a nie polski punkt hledžańnia na histaryčnyja padziei, ale, pavodle ŭłasnaj dekłaracyi, biez praźmiernaha šanavańnia biełaruskich histaryčnych mifaŭ.
Poŭny źmiest knihi dastupny TUT.
Cana — 45 000 rubloŭ.
Aleś Bieły. «Chronika Biełaj Rusi» (ahulny abjom 470 staronak)
Hetaja kniha — istotna pierapracavanaje i dapoŭnienaje pieravydańnie manahrafii hetaha ž aŭtara, vydadzienaj u 2000 h. i pryśviečanaj historyi ŭźniknieńnia charonima «Biełaja Ruś» dy jaho pastupovaha dastasavańnia da terytoryi siońniašniaj Respubliki Biełaruś. U 2001 h. pieršaje vydańnie knihi było ŭhanaravana zasnavanaj Biełaruskim PEN-centram premijaj imia Franciška Bahuševiča. Kniha bahata ilustravanaja, u tym liku i šmatlikimi (usiaho kala 50 štuk) kalarovymi ilustracymi.
Poŭny źmiest knihi dastupny TUT.
Cana — 60 000 rubloŭ.
Alaksandr Kraŭcevič. «Kraina pahraničča» (ahulny abjom 519 staronak)
U knihu ŭvajšli vybranyja navukova–papularnyja, eseistyčnyja i publicystyčnyja pracy, napisanyja aŭtaram na praciahu apošnich troch dziesiacihodździaŭ. Niekatoryja ź ich drukujucca ŭ zborniku ŭpieršyniu.
Pavodle aŭtara:
Kraj, jaki siońnia nazyvajecca Biełaruś, spradvieku byŭ i zastajecca krainaj miažy. Biełaruskaje pamiežža — źjava šmatpłanavaja i ŭniviersalnaja. Jana pačynajecca ŭžo ad samoj pryrody. Terytoryja Biełarusi — pamiežnaja raślinnaja zona, d zie hetak zvanaja jeŭrapiejskaja tajha (sasnovyja bary i jałovyja huščary) pastupova pierachodzić u listavy jeŭrapiejski les. Miaža vodapad ziełu pamiž bałtyjskaj i čarnamorskaj vodnymi sistemami pierasiakaje ŭsiu krainu vialikaj duhoj ad paŭdniovaha zachadu da paŭnočnaha ŭschodu.
Poŭny źmiest knihi dastupny TUT.
Cana — 55 000 rubloŭ.
Rymvidas Piatraŭskas. «Litoŭskaja znać u kancy XIV — pačatku XV stahodździa» (ahulny abjom 386 staronki), druhoje vydańnie
Hetaja praca litoŭskaha historyka — sproba sintezu piersanalnaj i sacyjalnaj historyi Vialikaha Kniastva Litoŭskaha. Z adnaho boku, aŭtar imkniecca vyznačyć pachodžańnie litoŭskaj znaci i pakazać jaje hienieałahičnaje raźvićcio, a ź inšaha boku sprabuje raskryć strukturny pierałom unutry zhadanaj znaci, jaki adbyŭsia ŭ XV st. Abiedźvie asnoŭnyja prablemy razhladajucca z ulikam dośviedu jeŭrapiejskaj histaryjahrafii.
Poŭny źmiest knihi dastupny TUT.
Cana — 45 000 rubloŭ.
Mark Bartuška. «Partyzanskaja vajna ŭ Biełarusi ŭ 1941—1944 hh.» (ahulny abjom 194 staronki)
U knizie niamieckaha historyka dajecca ahlad dziejnaści roznych partyzanskich farmavańniaŭ na terytoryi akupavanaj Biełarusi ŭ 1941—1944 hh. Hieahrafičnyja miežy, jakija byli abranyja dla hetaj pracy, praktyčna achoplivajuć terytoryju sučasnaj Biełarusi, ale pry hetym razhladajucca taksama padziei ŭ rehijonie vakoł Vilni i na ziemlach, jakija ŭ 1939 h. uvajšli ŭ skład SSSR, adnak paśla 1945 h. byli znoŭ pieradadzienyja Polščy.
Poŭny źmiest knihi dastupny TUT.
Cana — 40 000 rubloŭ.
Adam Stankievič. «Z Boham da Biełarusi» (ahulny abjom 1097 staronak)
U vydańnie ŭklučanyja asnoŭnyja pracy hetaha relihijnaha i nacyjanalnaha dziejača na histaryčna-kulturnuju tematyku, pa historyi chryścijanstva i chryścijanskaha ruchu ŭ Biełarusi, relihijnaha i palityčnaha charaktaru, a taksama kalandarnyja zapisy, jakija rabilisia A. Stankievičam z kanca 1930-ch hh. da siaredziny 1948 h. — unikalnaje, cudam zachavanaje śviedčańnie pra losavyznačalny dla Biełarusi i biełarusaŭ čas.
Poŭny źmiest knihi dastupnyTUT.
Cana — 80 000 rubloŭ.
Konrad Babiatynski. «Ad Smalensku da Vilni. Vajna Rečy Paspalitaj z Maskovijaj (1654—1655 hh.)» (ahulny abjom 168 staronak)
Kniha pryśviečanaja historyi vajennaha kanfliktu, u vyniku jakoha ŭvosień 1655 h. amal usiu terytoryju Vialikaha Kniastva Litoŭskaha razam ź jahonaj stalicaj Vilniaj zaniali vojski maskoŭskaha cara Alaksieja Michajłaviča. Heta byŭ pieršy etap vialikaj vajny, jakaja praciahvałasia ŭ 1654—1667 hh. i zaviaršyłasia tolki Andrusaŭskim zamireńniem 31 studzienia 1667 h.
Poŭny źmiest knihi dastupny TUT.
Cana — 45 000 rubloŭ.
Bałachoŭcy: Śviedčańni, dakumienty, daśledavańni (ahulny abjom 470 staronak)
Asnovu dosyć abjomnaj (pad 500 staronak) publikacyi składaje daśledavańnie estonskaha historyka Jurasia Jurkieviča «Stvareńnie i dziejnaść Asobnaha atrada BNR u Bałtyi», pryśviečanaje sprobam stvareńnia biełaruskich vajskovych farmiravańniaŭ u Bałtyi ciaham 1919 h., a taksama praca «Bałachoŭcy», napisanaja sučaśnikam padziej, polskim aficeram Stanisłavam Lisam-Błonskim u 1920-ja hh.
Akramia hetaha, u knizie dadatkova źmieščanyja niekatoryja małaviadomyja ŭspaminy i dakumientalnyja śviedčańni, datyčnyja žyćcia i dziejnaści Stanisłava Bułak-Bałachoviča i jaho vajskovych farmavańniaŭ, a taksama śpis usich žaŭnieraŭ Asobnaha atrada BNR pa stanie na kaniec 1919 h.
Vydańnie ilustravanaje, u tym liku kalarovymi ilustracyjami.
Poŭny źmiest knihi dastupny TUT.
Cana — 50 000 rubloŭ
Jan Šumski. «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii» (ahulny abjom 326 staronak)
U knizie pakazanyja pieramieny, jakija adbyvalisia ŭ 1944—1953 hh. u žyćci i śviadomaści žycharoŭ zachodnich abłaściej BSSR, jakija pierad Pieršaj suśvietnaj vajnoj uvachodzili ŭ skład Polščy. Na staronkach vydańnia pradstaŭlena daśledavańnie nacyjanalnaha, kadravaha, kulturna-aśvietnickaha i prapahandyscka-infarmacyjnaha aśpiektaŭ pracesu savietyzacyi na akreślenych terytoryjach.
Poŭny źmiest knihi dastupny TUT.
Cana — 45 000 rubloŭ.
Jan Stankievič. «Za rodnuju movu j praŭdzivy nazoŭ» (ahulny abjom 742 staronki)
Hetaja kniha źjaŭlajecca łahičnym praciaham dźviuch inšych hruntoŭnych zbornikaŭ movaznaŭčych i histaryčnych prac hetaha aŭtara, jakija pierad hetym vydavalisia ŭ našym vydaviectvie: «Jazyk i jazykavieda» i «Kryŭja-Biełaruś u minułaści». Novaje vydańnie pavodle źmiestu z papiarednimi nie pierasiakajecca, jano źmiaščaje tyja pracy Ja. Stankieviča, jakija ŭ 1910—1970-ja hh. drukavalisia na staronkach biełaruskaha pieryjadyčnaha i niepieryjadyčnaha druku jak u Biełarusi, tak i pa-za jaje miežami.
Poŭny źmiest knihi dastupny TUT.
Cana — 50 000 rubloŭ.
Adam Babareka. Zbor tvoraŭ u dvuch tamach (ahulny abjom 1665 staronak)
Amal što poŭny zbor tvoraŭ viadomaha mižvajennaha biełaruskaha litaraturaznaŭcy byŭ pryznany lepšym knižnym vydańniem 2011 hoda pavodle viersii haziety «Naša Niva». Mnohija materyjały na staronkach knihi drukujucca ŭpieršyniu dziakujučy tamu, što ŭ składanych varunkach stalinskaha teroru 1930-ch hh., achviaraj jakoha siarod mnohich inšych staŭ i Adam Babareka, jahonaj siamji ŭdałosia cudam zachavać rukapisny archiŭ piśmieńnika i navukoŭca (situacyja ŭ vypadku z represavanymi biełaruskimi litaratarami amal unikalnaja).
Poŭny źmiest vydańniaŭ dastupny TUT i TUT.
Cana — 99 000 rubloŭ (za dva tamy).
Anton Adamovič. «Da historyi biełaruskaje litaratury» (ahulny abjom 1464 staronak)
Vydańnie znajomić čytača z małaviadomymi staronkami historyi biełaruskaj litaratury, asabliva praz tvory emihracyjnaha pieryjadu, kali napoŭnicu raskryŭsia krytyčny talent aŭtara. Usiaho ŭ zbornik uklučanyja 48 daśledavańniaŭ.
Poŭny źmiest knihi dastupny TUT.
Cana — 75 000 rubloŭ.
Zbornik biełarusaznaŭčych materyjałaŭ «Skarynič»
Zbornik biełarusaznaŭčych materyjałaŭ, padrychtavany słavutym biełaruskim kulturnym dziejačam z Maskvy Alaksiejem Kaŭkam. Siarod inšaha drukujucca tematyčnyja padborki materyjałaŭ, pryśviečanych Francišku Skarynu i Mikałaju Ułaščyku, upieršyniu publikujecca epistalarnaja spadčyna roznych biełaruskich dziejačoŭ, vyjaŭlenaja ŭ archivach Maskvy, Sankt-Pieciarburha, Vilni, Minska i inšych haradoŭ.
Cana — 15 000 rubloŭ.
Aleh Łatyšonak. «Žaŭniery BNR» (ahulny abjom 373 staronki)
Vydańnie źmiaščaje tvory, u jakich razhladajucca sproby stvareńnia biełarusami nacyjanalnych vajskovych farmavańniaŭ u kancy 1910-ch — pačatku 1920-ch hh. Asnoŭnuju jaho častku składaje pierakład na biełaruskuju movu fundamientalnaj pracy «Biełaruskija vajskovyja farmavańni: 1917—1923 hady», reštu — kompleks artykułaŭ pra žyćcio i dziejnaść hienierała Stanisłava Bułak-Bałachoviča i pra asobnyja staronki ŭzbrojenaha zmahańnia biełarusaŭ za ŭłasnuju dziaržavu.
Poŭny źmiest knihi dastupny TUT.
Cana — 45 000 rubloŭ.
