tass.ru
«Viadoma, usio, što zaŭhodna, možna plavuzhać jazykom i jak zaŭhodna interpretavać ŭsie hetyja padziei, ale kali ŭziać i pahladzieć z punktu hledžańnia pravavoha składnika, tam kamar nosu nie padtočyć», — skazaŭ Pucin u intervju dla filma «Krym. Šlach na Radzimu».
Prezident Rasii zajaviŭ, što krymski parłamient, jaki naznačyŭ lidara ruchu «Ruskaje adzinstva» Siarhieja Aksionava kiraŭnikom respubliki, byŭ lehitymnym orhanam ułady. Pucin taksama adznačyŭ, što prezident Ukrainy Viktar Janukovič uzhadniŭ pryznačeńnie Aksionava.
Zachop budynka Viarchoŭnaj Rady Kryma rasijskim śpiecnazam Pucin patłumačyŭ nieabchodnaściu harantavać biaśpieku deputataŭ.
«Kab stvaryć umovy dla ludziej, kab jany nie bajalisia ni za siabie, ni za svaje siemji, treba było harantavać ich biaśpieku. I my heta zrabili», — skazaŭ Pucin. U filmie havorycca, što apieracyja pa zachopie parłamienta śpiecnazam zaniała 30 chvilin.
Pucin taksama paviedamiŭ, što ŭ Krymie dziejničali mienš za 20 tysiač rasijskich vajskoŭcaŭ — mienš, čym Rasija była maje prava raźmiaścić na svajoj vajskovaj bazie na paŭvostravie. «Stroha kažučy, my navat ničoha nie parušyli», — skazaŭ prezident.
«Navat nie spatrebiłasia skarystacca dazvołam Rady Fiederacyi ab uviadzieńni našych vojskaŭ va Ukrainu, ja ž nie pakryviŭ dušoj», — zapeŭniŭ Pucin.
