Kampanija Broad Sustainable Buildings ustalavała rekord pa chutkaści budaŭnictva, raspaviadaje Gizmodo.
57 pavierchaŭ i 80 000 m² za 19 dzion — heta stała mahčymym praz modulny praces budaŭnictva, raspracavany kampanijaj.
Za dzień budynak ros na try pavierchi, jon źbiraŭsia amal jak kanstruktar Lego. U im źmieściacca 800 kvater i ofisy dla 4 tysiač supracoŭnikaŭ.
Jak śćviardžajuć budaŭniki, chutkaść nie paŭpłyvała na jakaść: budynak vytrymaje ziemlatrus mahnitudaj da 9 bałaŭ.
Budaŭnictva pa novaj technałohii dazvoliła nie tolki zekanomić hrošy, ale i skaracić vykarystańnie bietonu na miescy, što ŭ svaju čarhu źmienšyła vykidy pyłu ŭ pavietra. Heta asabliva važna dla Kitaja, dzie miehapolisy majuć zaŭvažnyja ekałahičnyja prablemy. U samim budynku pavietra budzie ačyščacca prasunutaj i enierhaefiektyŭnaj sistemaj kandycyjanavańnia.
