TASS
Pa słovach Pucina, zakrytaje apytańnie, nie źviazanaje z mahčymym dałučeńniem Kryma da RF, pakazała, što za heta vystupajuć 75% žycharoŭ paŭvostrava.
«Kančatkovaja meta» była ŭ tym, kab dać mahčymaść ludziam vyrašyć, «jak jany chočuć žyć dalej», - paviedamiŭ Pucin.
Pavodle jaho słoŭ, jon nie vyklučaŭ varyjantu, pry jakim krymčanie pažadajuć zastacca ŭ składzie Ukrainy.
«Ale kali jany zachočuć pa-inšamu, my nie možam ich kinuć», — zajaviŭ jon.
«My pastupili tak, jak byli abaviazanyja pastupić», - skazaŭ Pucin ab apieracyi pa adarvańni Kryma ad Ukrainy.
Rašeńnie ab hetym Pucin prymaŭ z kalehami, «čaćviora ich było».
Pucin skazaŭ im, što «my vymušany pačać pracu pa viartańni Kryma», bo «my nie možam kinuć hetuju terytoryju i ludziej, jakija tam pražyvajuć, na volu losu, pad katok nacyjanalistaŭ».