LETA
«Naša pasłańnie žycharam Łatvii: armija ZŠA akaža lubuju padtrymku, jakaja spatrebicca — ź ziamli, pavietra abo mora. My pašyrym apieracyju Atlantic Resolve, stvaryŭšy adziny front suprać ahresii va Ukrainie», — zajaviŭ u paniadziełak, 9 sakavika, hjenierał-major Džon O'Konar, jaki prybyŭ u Ryhu razam z tankami i broniemašynami ZŠA.
Vajskoviec taksama adznačyŭ, što ciapier uzbrojenyja siły ZŠA buduć znachodzicca ŭ Łatvii i astatnich krainach Bałtyi «stolki, kolki budzie treba».
A pryviała amierykancaŭ u Łatviju, pavodle jaho słoŭ, abarona svabody miascovaha nasielnictva.
Dastaŭka techniki ŭ Łatviju prajšła ŭ ramkach apieracyi Atlantic Resolve — dysłakavany ŭ Łatvii 2-i kavaleryjski połk armii ZŠA zamianiła 1-ja bryhada 3-j piachotnaj dyvizii. Hetaja bryhada budzie dysłakavanaja ŭ Łatvii prykładna try miesiacy, da nastupnaj ratacyi.
9 sakavika ŭ Ryhu prybyli tanki M1A2 Abrams i broniemašyny M2A3 Bradley, a taksama technika zabieśpiačeńnia — u cełym bolš za 120 adzinak techniki.