Pajšła z žyćcia narodnaja artystka Biełarusi Viktoryja Mikałajeŭna Mazur, paviedamlaje sajt Biełaruskaha dziaržaŭnaha akademičnaha muzyčnaha teatra.
Usio žyćcio paśla zakančeńnia Mahiloŭskaha muzvučylišča i Biełaruskaj dziaržaŭnaj kansiervatoryi Viktoryja Mazur pryśviaciła słužeńniu scenie Biełaruskaha dziaržaŭnaha akademičnaha muzyčnaha teatra, havorycca ŭ paviedamleńni.
Artystka syhrała bolš za sorak rolaŭ u apieretach, muzyčnych kamiedyjach, miuzikłach, vystupała ŭ šmatlikich kancertach pierad hledačami Biełarusi i zamiežnych krain.
Siarod najlepšych vobrazaŭ, stvoranych Viktoryjaj Mazur, — Cecylija, Silva, Maryca, Teadora, Vijaleta i Madlen, Džulija («Karaleva Čardaša», «Silva», «Maryca», «Pryncesa cyrka», «Fijałka Manmartra», «Djabalski vieršnik» I. Kalmana); Razalinda, Anina («Žančyna-kažan», «Noč u Vieniecyi» I. Štrausa); Hanna, Fraskita, Zoryka i Iłona («Viasiołaja ŭdava», «Fraskita», «Cyhanskaje kachańnie» F. Lehara) dy inš.
Viktoryja Mazur - łaŭreat mnohich usiesajuznych i mižnarodnych konkursaŭ, zasłužanaja artystka BSSR, u 1998 hodzie ŭkazam A. Łukašenki ŭdastojena hanarovaha zvańnia narodnaj artystki Biełarusi.
Hramadzianskaja panichida adbudziecca 3 sakavika ŭ 13.00 u Biełaruskim dziaržaŭnym akademičnym muzyčnym teatry.
