Nie adzin raz na hod Biełaruski dziaržaŭny muziej narodnaj architektury i pobytu, što pad Minskam, zaprašaje na samyja roznyja śviaty. I ludzi adhukajucca. Bo a dzie ž jašče možna i Kupalle adhulać, i viasnu pahukać?Usie bližejšyja darohi zachłynajucca ad mašyn, ludzi źbirajucca achvotna.
Ale śviata pieratvarajecca ŭ stajańnie u čerhach pa kvitki ci pačastunki, u nazirańnie za sumnymi vystupami artystaŭ, va ŭdzieł u niešmatlikich i niecikavych atrakcyjonach. Sioletniaja biaśśniežnaja Maślenica dadała mokrych ściažynak, patokaŭ brudnaj vady pad nahami i niezrazumiełych śpievaŭ i tancaŭ zusim nie słavianskich kalektyvaŭ.
Dvoje rabočych dziełavita pluchanuli salary na vohnišča, i Zima koleru ŭkrainskaha ściaha była spalenaja padčas karahodu pa raskisłym łuhavińni. Čakajem viasnu.
