Ministerstva transpartu i kamunikacyj maje namier padrychtavać narmatyŭnuju bazu dla pavieličeńnia pamieru štrafaŭ bieźbiletnikam, paviedamili ŭ pres-słužbie Mintransa.
Havoračy pra płany na 2015 hod u śfiery aŭtamabilnaha i haradskoha elektryčnaha transpartu, śpiecyjalisty adznačyli, što ŭ ich lik uvachodzić «padrychtoŭka adpaviednych narmatyŭnych pravavych aktaŭ u častcy pavieličeńnia pamieru štrafaŭ za bieźbiletny prajezd pasažyraŭ, a taksama ŭzmacnieńnia administracyjnaj adkaznaści za pravaparušeńni ŭ śfiery aŭtamabilnych pieravozak pasažyraŭ».
Akramia taho, u hetym hodzie płanujecca pašyryć paŭnamoctvy Transpartnaj inśpiekcyi na prava składańnia i razhladu spraŭ ab administracyjnych pravaparušeńniach u śfiery aŭtamabilnych pieravozak pasažyraŭ.
U cełym, na dumku pradstaŭnikoŭ viedamstva, zakanadaŭstva ŭ halinie aŭtamabilnaha transpartu nieabchodna ŭdaskanalić.
