Zakonaprajekt, što dazvolić rabić dziaciej trom baćkam, pryniaty Pałataj abščyn, jašče musić prajści ŭzhadnieńnie ŭ Pałacie łordaŭ. Čakajecca, što jon nabudzie siłu ŭ kancy kastryčnika 2015 hoda.
Vialikabrytanija stanie pieršaj u śviecie krainaj, jakaja dazvolić takuju apieracyju.
Štučnaje zapładnieńnie z vykarystańniem hienietyčnaha materyjału ad troch baćkoŭ dazvolić dziciu paźbiehnuć chvarob, što pieradajucca ad maci. Pry takoj apieracyi ad maci dziciu dastaniecca tolki 0,1% hienietyčnaha materyjału.
Dva mietady «trajnoha» zapładnieńnia
Pry hetkim štučnym zapładnieńni ŭ embryjona z paškodžanaj mitachandryjalnaj DNK vydalajucca jadry, što dastalisia ad baćkoŭ, dy pierasadžvajucca ŭ zdarovy donarski embryjon.
Inšy mietad — jadro zapłodkavaj vuzy maci, u jakoj paškodžanaja mitachandryjalnaja DNK, pierasadžvajecca ŭ zapłodkavuju vuzu inšaj žančyny, paśla čaho adbyvajecca zapładnieńnie donarskaj zapłodkavaj vuzy hienietyčnym materyjałam baćki.
Miarkujecca, što kala 150 dziaciej ad troch baćkoŭ buduć naradžacca štohod.
Ministry nazvali pryniaćcie zakonaprajektu «śviatłom u kancy tunelu» dla mnohich siemjaŭ.
«My tut nie hulajem u boa, my chočam być upeŭnienyja, što baćki, jakija zachočuć mieć zdarovaje dzicio, atrymajuć takuju mahčymaść», — zajaviŭ premjer-ministr Devid Kemieran.
