Vuličnaja moda ŭ Miłanie
Skončyŭsia Tydzień mužčynskaj mody ŭ Miłanie. Heta treci pa dacie praviadzieńnia Tydzień mody z «Vialikaj čaćviorki» (Ńju-Jork, Łondan, Paryž).
Tydzień mužčynskaj mody ŭ Łondanie pasprabavaŭ davieści, što mužčynam varta iranična stavicca da siabie. U Miłanie było mienš ekśpierymientaŭ z sučasnym mužčynskim vobrazam, ale mnoha jakasnaha kraviectva.
Na vulicach panavała ŭsia taja ž elehantnaść jak i ŭ Łondanie. Ale kolkaść viadomych modnych redaktaraŭ i słavutaściaŭ była, padajecca, značna bolšaja, čym u Łondanie.
Vuličnaja moda ŭ Miłanie
Varta pryhladziecca da detalaŭ, pakazanych u Miłanie kalekcyj vosień-zima 2015.
Palito Jil Sander
Adtočany minimalizm Jil Sander całkam prajaŭlajecca ŭ hetym palito: prosty kroj, vydatny koler, miakkija plečy i niezvyčajnaja detal — pojas, jaki ŭ hetym siezonie źjaviŭsia ŭ mnohich dyzajnieraŭ i vielmi spadabaŭsia mužčynskaj redakcyii «GQ».
Čyrvony dafłkot GUCCI
Hałoŭnaje ŭ takim dafłkocie (duffle coat) - vy dakładna budziecie vyłučacca z natoŭpu.
Pinžak DOLCE&GABBANA
U kalekcyi «Dolce & Gabbana» cikavym źjaŭlajecca kurylny pinžak — prabaćka sučasnaha smokinha, jaki džentlmieny nasili pa-nad adzieńnie, kab jano nie prapachła cyharetnym dymam.
Kašula z vyrazam MISSONI
Missoni, jak zvyčajna, prademanstravali mnostva vydatnych viazanych rečaŭ, ale kašula z hłybokim vyrazam, jakaja nahadvaje vyšyvanku asabliva pryciahvaje voka (jak i dyvany na podyjumie).
