Na vulicach Łondana padčas modnaha tydnia mody panavali barody i elehantnaść, a na podyumach usio było bolš składanym i kanceptualnym.
Sibling
Tydzień mužčynskaj mody ŭ Łondanie čarhovy raz pasprabavaŭ davieści, što mužčynam varta iranična stavicca da siabie i nie bajacca dadavać u harderob bolš farbaŭ i nietypovych siłuetaŭ.
A voś i jany: cikavyja mužčynskija kalekcyi siezona vosień-zima 2015/2016, jakija možna było pahladzieć u Łondanie.
Burberry Prorsum
Burberry Prorsum
Dyzajnier Krystafiera Bejli (Christopher Bailey) vyrašyŭ hetym razam pakaryć mužčynskija sercy kašulami z kvietkavymi pryntami, lohkimi abjomnymi šalikami z mudrahielistymi ŭzorami. Takim čynam, hałoŭny dyzajnier Burberry Prorsum sprabuje bałansavać pamiž elehantnaściu i epatažam.
Moschino
Moschino
Dyzajnier Džeremi Skot (Jeremy Scott) za niekalki siezonaŭ pracy ŭ Moschino ŭžo paśpieŭ davieści svoj talent epatažu publiki. Hetym razam jon pakazaŭ madelaŭ u frakach i abjomnych futrach na hołaje cieła (ścipła dadam, što futra ŭsio ž najlepš vyhladaje na žyviołach), dapoŭniŭšy vobrazy botami-śniehachodami i trykatažnymi štanami kisłotnych adcieńniaŭ.
Alexander McQueen
Alexander McQueen
Kreatyŭny dyrektar marki Alexander McQueen Sara Biortan (Sarah Burton) vyrašyła viarnuć u mužčynskuju modu sapraŭdnuju mužnaść, ad jakoj usio čaściej admaŭlalisia dyzajniery ŭ apošnija niekalki siezonaŭ. Jana ŭziała za bazu kłasičnuju vajskovuju ŭniformu, ale dadała joj hlancu.
J.W. Anderson
J.W. Anderson
U novaj mužčynskaj kalekcyi dla JW Anderson Džonatan Andersan skiravaŭsia da mody 1970-ch. Asnovaj jaho retra-kruizu stali skaročanyja skuranyja kurtki, kašuli z vostrymi kaŭniarami, puchnatyja biełyja šaliki i prytalenyja palito ź vialikimi huzikami.
