Hurt Źmitra Vajciuškieviča syhraje najlepšyja pieśni za 15 hadoŭ u miežach prajektu «Žyvy Tuzin». Ekskluziŭny kancert adbudziecca 6 lutaha ŭ klubie «Piraty».
Klubnyja kancerty dla Vajciuškieviča — redkaść. Zvyčajna śpiavak vystupaje ŭ siadziačych zalach. 6 lutaha jon zaprašaje svaich prychilnikaŭ u klub «Piraty», dzie syhraje prahramu z najlepšych piesień. Budzie što pasłuchać, i budzie pad što patančyć. «Sapraŭdy, čamuści redka hrajem u klubach, chacia možam dać drajvu napoŭnicu», — kaža Źmicier. Jaho WZ-orkiestra vyjdzie na scenu poŭnym składam — bajanist-virtuoz Alaksandar Šuvałaŭ, pijanist i kiraŭnik džaz-ansamblu «Dyližans» Andrej Łabčeŭski, vydatny hitaryst Aleh Ivanovič, viadučy džazavy bas-hitaryst Viačasłaŭ Siarhiejenka, bubnač z arkiestra Kupałaŭskaha teatru Andrej Saponienka razam ź Źmitrom syhrajuć tvory z prajektaŭ «Narodny albom», «Ja naradziŭsia tut», «Śviaty viečar», «Cacačnaja krama», «Paraviny hodu», «Apošni zołak» dy inšych — usio najlepšaje z svajoj bahataj tvorčaj spadčyny za 15 hadoŭ. Buduć pieśni na Karatkieviča, Vajačaka, Buraŭkina, Baradulina, Niaklajeva, Volskaha…
«Budziem hrać kala dźviuch hadzinaŭ. Peŭnaja častka piesień, jakija syhrajem, užo namiečana, a častku budziem adbudoŭvać pa chadzie kancertu. Spadziajusia ŭsie zastanucca zadavolenymi», — zaŭvažaje vykanaŭca.
Kancert adbudziecca ŭ klubie «Piraty» 6 lutaha ŭ 19:00 u miežach prajektu «Žyvy Tuzin», što ładziać partał Tuzin.fm i hramadzkaja kampanija «Budźma biełarusami!». Kvitki kaštujuć 165 000 (tancplac), 215 000 (stolik). Ich kolkaść abmiežavanaja, tak što varta pakłapacicca zahadzia.
Kvitki možna nabyć anłajn i ŭ kasach Kvitki.by pa ŭsioj krainie.
