Prykładna ŭ dźvie hadziny nočy pa miascovym časie aŭstralijskaja palicyja šturmavała kafe Lindt ŭ Sidnei, dzie ŭzbrojeny mužčyna bolš za 16 hadzin utrymlivaŭ zakładnikaŭ. Jak tolki pačaŭsia šturm, pačulisia vybuchi i stralanina.
Jak miarkujecca, palicyjanty vykarystoŭvali vybuchpakiety, kab dezaryjentavać złačynca.
Pierad hetym z kafe vybiehli pa mienšaj miery jašče šeść čałaviek. Nieŭzabavie paśla pačatku šturmu vybiehli jašče bolš za dziesiać.
Niekalki čałaviek vynieśli z kafe na nasiłkach.
Śpiecyjalist pa raźminiravańni uvajšoŭ u kafe paśla taho, jak jaho pakinuli vyzvalenyja zakładniki
Jak paviedamlajuć karespandenty ź miesca padziej, čałaviek, jaki ŭtrymlivaŭ zakładnikaŭ, zabity.
Palicyja, paćvierdziła, što abłoha kafe skončanaja. Tym nie mienš, paśla zaviaršeńnia šturmu palicejskija praciahnuli ahlad pamiaškańniaŭ kafe.
Imia viadoma
Raniej palicyja Aŭstralii nazvała imia čałavieka, jaki ŭtrymlivaje zakładnikaŭ u kafe ŭ Sidnei — heta Man Charon Manis, biežaniec ź Irana, jaki atrymaŭ u Aŭstralii palityčny prytułak.
Paviedamlajecca, što raniej jamu byli pradjaŭlenyja abvinavačvańni ŭ seksualnym hvałcie: na momant napadu jon znachodziŭsia na voli, vypuščany pad zakład.
Advakat Manisa apisaŭ svajho padabaronnaha jak zamknionaha čałavieka, jaki dziejničaje ŭ adzinočku.
U 2009 hodzie Manis byŭ asudžany pa spravie ab rassyłańni listoŭ z pahrozami siemjam aŭstralijskich sałdat, jakija zahinuli za miažoj
Pradstaŭnik kampanii Lindt, jakaja źjaŭlajecca ŭładalnikam kafe, kaža što na momant zachopu ŭ budynku znachodzilisia 10 pracaŭnikoŭ i 30 naviedvalnikaŭ. Dakładnaje kolkaść zakładnikaŭ da hetaha času nieviadoma.
Niekalki zakładnikaŭ vybiehli z kafe prosta pierad šturmam
Na kadrach, pakazanych pa aŭstralijskim telebačańni, byli bačnyja pa mienšaj miery try zakładniki, jakija stajać z padniatymi rukami nasuprać akna, a pobač — čorny ściah z nadpisam pa-arabsku. Ściah nahadvaje tyja, što vykarystoŭvajuć bajeviki IH, adnak nie źjaŭlajecca jaho dakładnaj kopijaj.
Niekatorym zakładnikam była nieabchodnaja terminovaja dapamoha
Musulmanskija arhanizacyi Aŭstralii zajavili, što jany šakavanyja incydentam. Jany zajavili, što molacca pra zakładnikaŭ i mirnaje vyrašeńnie situacyi.
