Denieł Krejh u roli Džejmsa Bonda.
Dvaccać čaćviorty film «bandyjany» atrymaje nazvu «ŚPIEKTR». Mienavita tak (SPECTRE — Special Execetuve for Counter-intelligence, Terrorism, Revenge, and Extortion) nazyvajecca terarystyčnaja arhanizacyja ŭ kłasičnych filmach pra Ahienta 007.
Režysioram filma stanie Sem Mendes, jaki zdymaŭ papiaredniuju častku «bandyjany» — «Kaardynaty Skajfoł». Mendes — uładalnik «Oskara» jak lepšy režysior za film «Pryhažość pa-amierykansku».
U stužcy źjaviacca akciory z papiarednich častak: Rejf Fajns, Naomi Charys i Ben Uišoŭ. Siarod novych tvaraŭ — Monika Biełučy, Endru Skot (Maryjarci ź sieryjała «Šerłak»), Krystaf Valc («Biassłaŭnyja vyradki», «Džanha vyzvaleny»), Dejv Batysta (Draks Razburalnik u «Vartaŭnikach hałaktyki») i tvar duchoŭ Prada Candy Lea Sedu («Misija nievykanalnaja: Pratakoł Fantom», «Krasunia i pačvara»).
Biełučy i Sedu stanuć dziaŭčynami Bonda, Valc stanie kłasičnym hałoŭnym złodziejem, a Batysta — jaho pamahatym.
Aŭtamabilem Bonda stanie madernovy Aston Martin DB10.
Zdymki startujuć 8 śniežnia. Suśvietnaja premjera pryznačanaja na 6 listapada 2015 hoda.
Papiaredni film «bandyjany», «Kaardynaty Skajfoł», nabraŭ u prakacie 1,1 młrd dalaraŭ pry biudžecie ŭ 200 młn.