Šviedski animatar Eryk Viernkvist pradstaviŭ zachaplalny karotkamietražny fantastyčny film «Padarožniki», što raspaviadaje pra čałaviectva, jakoje skaryła dalokija płaniety.
«Mianie viečna naścihaje praha spaznać novaje», — na dumku The Verge hetaja cytata z «Mobi Dyka», što prahučała ŭ «Padarožnikach», najlepiej apisvaje stužku Viernkvista.
Za niekalki chvilin jana pranosić nas pa Soniečnaj sistemie, jakaja skaryłasia čałavieku.
Dla stvareńnia stužki vykarystoŭvalisia zdymki NASA. Usie miescy, što pakazvajucca ŭ filmie, rabilisia pa realnych płanietach i spadarožnikach Soniečnaj sistemy — takich, jakimi ich moh by pabačyć ziamlanin-kałanist. Aŭtar filma padrabiazna tłumačyć kožny kadr na Imgur.
Na fonie kadraŭ kaśmičnaha marsijanskaha lifta dy nieba nad spadarožnikam Jupiciera hučyć hołas Karła Sahana — słavutaha astrafizika i papularyzatara navuki, jaki pamier vosiem hod tamu. Stvaralniki filma skarystali ŭryvak ź jaho knihi «Błakitnaja plamka», jaki sam Sahan začytvaŭ u 1994 hodzie.
