Fota www.bhs.co.uk.
Siońnia ŭ Kanach na mižnarodnaj vystaŭcy prajektaŭ u śfiery nieruchomaj majomaści MAPIC-2014 hrupa kampanij «Dana Chołdynhs» praviała prezientacyju handlovaha centra Dana Mall u kompleksie «Majak Minska». I siońnia ž brytanskaja kampanija BHS padpisała damovu ab arendzie handlovych płoščaŭ z zabudoŭščykam. Na biełaruski rynak vychodzić nabujniejšy vytvorca adzieńnia ŭ Vialikabrytanii, viadomy va ŭsim śviecie brend BHS.
Pradstaŭniki brytanskaj kampanii vysoka acanili pierśpiektyvy pracy ŭ Biełarusi. Na dumku kamiercyjnaha dyrektara BHS Marcina Morhana, biełaruski rynak imkliva raźvivajecca. «My ŭžo daŭno płanavali vychad na jaho. I ciapier toj samy čas, a Dana Mall — jakraz toje samaje miesca, kab ažyćciavić płany. Tamu my rady, što vosieńniu nastupnaha hoda brend BHS stanie dastupny žycharam Biełarusi ŭ samym vialikim handlova-zabaŭlalnym centry ŭ rehijonie», — zajaviŭ Marcin Morhan.
Biźniesmien padkreśliŭ, što vysoka cenić mahčymaści dla raboty ŭ Biełarusi, jakija źjavilisia dziakujučy partnioram z «Dana Chołdynhs». «Ad asoby kampanii ja dziakuju Dana Mall za toje, što z hetaj placoŭki my zmožam vyjści na jašče adzin pierśpiektyŭny rynak, jaki aktyŭna raźvivajecca», — adznačyŭ Marcin Morhan.
