Niekatoryja słužbovyja asoby svaimi supraćpraŭnymi dziejańniami nanosiać surjozny ŭron ekanomicy i padryvajuć aŭtarytet ułady.
Pra heta zajaviŭ Alaksandr Łukašenka ŭ čas dakłada staršyni Hrodzienskaha abłvykankama pra pierśpiektyvy sacyjalna-ekanamičnaha raźvićcia vobłaści.
«Ale što adbyvajecca na Hrodzienščynie?» — zadaŭ pytańnie Łukašenka.
Za 9 miesiacaŭ biahučaha hoda 69 słužbovych asob orhanaŭ ułady i kiravańnia, dziaržaŭnych ustanoŭ, arhanizacyj i pradpryjemstvaŭ učynili złačynstvy karupcyjnaj nakiravanaści.
U pryvatnaści, kryminalnaja sprava ŭzbudžana adnosna staršyni Iŭjeŭskaha rajvykankama, papaŭsia načalnik padatkovaj inśpiekcyi Ašmianskaha rajona. Mienš jak miesiac tamu pry atrymańni chabaru za niepraviadzieńnie pracedury adčužeńnia ziamielnaha ŭčastka zatrymany načalnik ziemleŭparadkavalnaj słužby Hrodzienskaha harvykankama. Jość i inšyja vypadki procipraŭnych dziejańniaŭ słužbovych asob.
«Heta vyklikaje asablivaje abureńnie, — skazaŭ kiraŭnik dziaržavy. — Zamiest taho, kab stajać na varcie dziaržaŭnych intaresaŭ, jany nanosiać surjozny ŭron ekanomicy i padryvajuć aŭtarytet ułady».
