Brytanski miedyjarehulatar «Ofcom» abvinavaciŭ rasijski telekanał «Russia Today» u nieabjektyŭnym aśviatleńni padziej u Ukrainie i pryhraziŭ pazbaŭleńniem licenzii na viaščańnie.
Pra heta ŭ paniadziełak, 10 listapada, napisała hazieta «The Guardian».
Pa słovach rehulatara, telekanał «Russia Today», abo RT, praduziata aśviatlaŭ padziei va Ukrainie, pradstaŭlajučy ŭ asnoŭnym prarasijskuju pazicyju. Pazicyi Ukrainy i inšych krain byli praihnaravanyja, tym samym hledačy nie atrymlivali abjektyŭnaj infarmacyi.
U sakaviku hetaha hoda było atrymana niekalki skarhaŭ ad hledačoŭ RT. Rehulatar pačaŭ pravierku pavodle standartnaj pracedury i vynies rašeńnie, što RT parušyŭ normu ab abjektyŭnym aśviatleńni infarmacyi.
Usiaho z pačatku viaščańnia RT ŭ Vialikabrytanii «Ofcom» zafiksavaŭ dziesiać vypadkaŭ parušeńnia praviłaŭ roznaha rodu. Jany datyčacca jak abjomu rekłamy, tak i abjektyŭnaści i hrafičnaha kantentu. U pryvatnaści, RT nieabjektyŭna aśviatlaŭ vajnu ŭ Siryi i padziei ŭ Livii.
