Impart małočnych praduktaŭ u Rasiju ź Litvy, Polščy, Finlandyi i Italii adnaŭlajecca.
U bližejšy čas na rasijskich pryłaŭkach znoŭ źjavicca masła z hetych krain, a taksama syry, u tym liku parmiezan.
Pa słovach zahadčycy łabaratoryi technachimičnaha kantrolu VNDI małočnaj pramysłovaści Aleny Juravaj, u paŭćviordych i ćviordych hatunkach syru adsutničaje łaktoza, tamu jany mohuć uvozicca na terytoryju RF bieśpieraškodna.
«Taksama ŭ Rasiju viartajecca hetak lubimy našymi spažyŭcami italjanski parmiezan», — skazała Jurava.
Nahadajem, 7 žniŭnia Rasija ŭviała embarha na ŭvoz małočnych i inšych praduktaŭ dla ŭsich krain ES, a taksama Narviehii, ZŠA, Kanady i Aŭstralii. 20 žniŭnia z sankcyjnaha śpisu była vydalenaja biezłaktoznaja małočnaja pradukcyja.
