U Minsku vartaŭnik haražnaha kaapieratyva sahnaŭ darahi aŭtamabil.
Jak paviedamlaje HUUS Minharvykankama, małady minčanin, jaki pracavaŭ vartaŭnikom u adnym z haražnych kaapieratyvaŭ stalicy, vykraŭ Hummer, pryparkavany na stajancy achoŭnaha im abjekta, i ŭčyniŭ na im DTZ.
Jak vyśvietliłasia padčas razboru, klučy ad aŭtamabila 25-hadovamu vartaŭniku, źmianiajučysia paśla sutačnaha dziažurstva, pakinuŭ jaho kaleha, jaki paprasiŭ pieradać ich uładalniku transpartnaha srodku. Małady čałaviek, vyrašyŭšy skarystacca redkaj mahčymaściu pakatacca na darahim aŭtamabili, nočču, pakinuŭšy svajo pracoŭnaje miesca, adpraviŭsia ŭ adnu ź viosak Minskaj vobłaści. Viartajučysia nazad u stalicu, na adnoj z vulic chłopiec učyniŭ DTZ, paśla čaho, kinuŭšy transpartny srodak, uciok.
Małady čałaviek zatrymany, u dačynieńni da jaho raspačata sprava na padstavie č. 1 art. 214 KK (kradziež transpartnaha srodku).
