Kuviejt sprahnazavaŭ padzieńnie cenaŭ na naftu da 76 dalaraŭ za barel z-za niemahčymaści skaracić abjomy zdabyčy krainami APIEK.
Kraina nie bačyć šancaŭ na skaardynavanaje spynieńnie zdabyčy nafty ŭ krainach APIEK. Z-za hetaha Kuviejt prahnazuje padzieńnie cenaŭ na 14%.
«76—77 dalaraŭ za barel moža stać tym uzroŭniem, na jakim źnižeńnie spynicca», — zajaviŭ ministr nafty Kuviejta Ali-al-Amair.
Ali-al-Amair raspavioŭ, što na pasiadžeńni krain APIEK 27 listapada naŭrad ci budzie pryniata rašeńnie ab skaračeńni zdabyčy nafty dla padtrymańnia kacirovak.
Akramia taho, na dumku ministra nafty, skaračeńnie zdabyčy nafty nie pavinna pryvieści da rostu cenaŭ, bo na rynku majecca lišak pastavak za košt Rasii i słancavych prajektaŭ u ZŠA.
27 listapada ŭ Vienie projdzie sustreča ministraŭ krain APIEK. Na pasiadžeńni moža być razhledžana pytańnie ab skaračeńni zdabyčy nafty dla viartańnia kacirovak na ŭzrovień 100 dalaraŭ za barel.
Raniej, 13 kastryčnika, stała viadoma, što pačynajučy z hetaha hoda ceny na naftu Brent upali na 20% i zaraz trymajucca na adznacy nižej za 90 dalaraŭ.
