Internet-mahazin, u jakim nabyli spajs dvoje zahinułych 10 kastryčnika minčan, zakryty. Asoby, jakija mieli dačynieńnie da jaho dziejnaści, zatrymany, paviedamili ŭ HUUS Minharvykankama.
Nahadajem, ranicaj 10 kastryčnika ŭ pakoi internata pa vulicy Kazinca ŭ Kastryčnickim rajonie stalicy byli znojdzieny trupy dvuch maładych ludziej (1995 i 1992 hadoŭ naradžeńnia), žycharoŭ hetaha internata. U chodzie pieršapačatkovych pravieračnych mierapryjemstvaŭ było ŭstanoŭlena, što napiaredadni viečaram chłopcy praź internet nabyli kurylnuju sumieś. Zabraŭšy spajs z tajnika ŭ Pieršamajskim rajonie, pryvieźli jaho ŭ internat, dzie i ŭžyli.
Ustanaŭleńnie asob, jakija majuć dačynieńnie da raspaŭsiudžvańnia psichatropaŭ, što pryviali da śmierci maładych ludziej, pačała hrupa ź liku supracoŭnikaŭ staličnych padraździaleńniaŭ pa narkakantroli i procidziejańni handlu ludźmi, a taksama śledčych orhanaŭ.
U vyniku praviadzieńnia kompleksu apieratyŭna-vyšukovych mierapryjemstvaŭ na praciahu sutak byli ŭstanoŭlena dvoje chłopcaŭ, jakija majuć dačynieńnie da arhanizacyi i dziejnaści internet-mahazina, praź jaki była nabyta kurylnaja sumieś.
Adzin ź fihurantaŭ žyvie ŭ Śvietłahorsku, adkul arhanizoŭvaŭsia internet-handal miksami ŭ stalicy, jaho kaleha znachodziŭsia ŭ Minsku i niepasredna zajmaŭsia realizacyjaj šlacham zakładki spajsu ŭ tajniki.
Apieracyi pa zatrymańni ŭ Śvietłahorsku i Minsku viečaram 11 kastryčnika prajšli praktyčna sinchronna i byli realizavany bajcami śpiecpadraździaleńnia MUS Biełarusi «Ałmaz». Žychar Śvietłahorska zatrymany pa miescy žycharstva, jaho staličny kaleha — kala padjezda doma № 23 pa vulicy Janki Maŭra (razam sa svajoj dziaŭčynaj jon vychodziŭ z kvatery znajomaha).
U Śvietłahorsku znojdzieny hatovyja miksy, a taksama prystasavańni dla ich vytvorčaści i rasfasoŭki.
Pry asabistym vobšuku ŭ zatrymanaha ŭ Minsku było znojdziena piać piacihramovych pakiecikaŭ kurylnych sumiesiej, pryznačanych dla čarhovych spažyŭcoŭ, a taksama srodki suviazi sa Śvietłahorskam i kankretnym apisańniem miescaŭ zakładki spajsu ŭ Minsku.
Jak paviedamili va ŭpraŭleńni pa narkakantroli i procidziejańni handlu ludźmi HUUS, u chodzie pieršapačatkovaha apytańnia małady čałaviek pryznaŭ svajo dačynieńnie da realizacyi psichatropnych kurylnych sumiesiej. A na pytańnie ab adkaznaści za hibiel dvuch maładych chłopcaŭ adkazaŭ, što sam spajs nie ŭžyvaje i asabista nie prymušaŭ zahinułych užyvać kurylnyja sumiesi.
Kastryčnickim (Minska) rajonnym adździełam Śledčaha kamiteta raspačata sprava pa prykmietach złačynstvaŭ, praduhledžanych č. 2 art. 144 KK (pryčynieńnie śmierci pa nieaściarožnaści dźvium asobam) i č. 3 art. 328 KK (niezakonny abarot asabliva niebiaśpiečnych psichatropnych rečyvaŭ).
