Miniust Rasii źviarnuŭsia ŭ Viarchoŭny sud z pazovam ab likvidacyi Ahulnarasijskaj hramadskaj arhanizacyi «Rasijskaje historyka-aśvietnickaja, dabračynnaje i pravaabarončaje tavarystva «Miemaryjał»».
Jak paviedamlajecca na sajcie suda, praces pryznačany na 13 listapada.
Iskavaja zajava pastupiła 24 vieraśnia, na nastupny dzień sud pryniaŭ jaje da vytvorčaści.
Staršynia praŭleńnia Mižnarodnaha «Miemaryjała» Arsienij Rahinski paviedamiŭ, što telehrama ź Viarchoŭnaha suda z dataj słuchańniaŭ pastupiła ŭ arhanizacyju niekalki dzion tamu.
Pavodle jaho słoŭ, Miniust užo daŭno pradjaŭlaje pretenzii da arhanizacyi rasijskaha «Miemaryjała», pa-svojmu traktujučy zakon ab hramadskich abjadnańniach. Viedamstva zychodzić z taho, što ŭ arhanizacyi pavinien być hałoŭny ofis, jaki zasnoŭvaje adździaleńni na miescach. Pry hetym rasijski «Miemaryjał» pradstaŭlaje saboj svabodnaje abjadnańnie niekalkich dziasiatkaŭ arhanizacyj, jakija paŭstali sami pa sabie, a potym abjadnalisia.
«Miemaryjał» byŭ stvorany ŭ kancy 1980-ch. Zadačaj niaŭradavaj arhanizacyi pieršapačatkova było rasśledavańnie palityčnych represij u SSSR. Ciapier heta sadružnaść dziasiatkaŭ arhanizacyj u Rasii, Biełarusi Hiermanii, Kazachstanie, Łatvii, Armienii, Hruzii i Ukrainie, jakija viaduć daśledčuju, pravaabarončuju i aśvietnickuju pracu
