Paśla matča adboračnaha turniru da čempijanatu Jeŭropy, jaki prachodziŭ 9 kastryčnika na Barysaŭ-Arenie, zatrymany 41 zaŭziatar. Ź ich 14 — hramadzianie Ukrainy, jakija prybyli padtrymać svaju zbornuju.
Pra heta paviedamili partału TUT.BY u adździaleńni infarmacyi i hramadskich suviaziej UUS Minskaha abłvykankama.
«Hramadzianie byli dastaŭleny ŭ Barysaŭski RAUS. U dačynieńni da zatrymanych składzieny administracyjnyja pratakoły pa art. 17.1 KaAP RB (drobnaje chulihanstva) i art. 17.3 (źjaŭleńnie ŭ hramadskim miescy ŭ stanie apjanieńnia). U hety momant płanujecca razhlad spraŭ u sudzie Barysaŭskaha rajona».
Raniej u ŚMI prachodziła infarmacyja, što paśla matču byli zatrymanyja kala 100 čałaviek.
Jak paviedamili ŭ Pasolstvie Ukrainy, konsuł vyjechaŭ u Barysaŭ dla vyśviatleńnia dakładnaj kolkaści zatrymanych. Adnak u pasolstvie adznačyli, što ličba ŭ 100 čałaviek — pierabolšanaja.
U chodzie ŭčorašniaha matču zaŭziatary trojčy vykonvali papularnuju pieśniu suprać prezidenta Rasii Uładzimira Pucina. Ich padtrymlivali i biełaruskija fanaty.