«Na padstavie sabranych dokazaŭ, z ulikam atrymanaha ad padazravanaha chadajnictva, a taksama pryniaćcia akta amnistyi, papiaredniaje rasśledavańnie pa spravie spyniena. Padčas śledstva naniesienaja škoda padazravanym kampiensavanaja ŭ poŭnym abjomie.
Z kryminalnaj spravy dla praviadzieńnia dadatkovaj pravierki vyłučany materyjały dla dačy pravavoj acenki dziejańniam kiraŭnikoŭ asobnych pradpryjemstvaŭ Vilejskaha rajona», — paviedamiła aficyjny pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh.
Biełanoh taksama adznačyła, što ŭ Minski abłvykankam śledčym nakiravana pradstaŭleńnie z patrabavańniem likvidavać parušeńni zakanadaŭstva ŭ častcy arhanizacyi ŭliku i kantrolu pracoŭnaha času rabotnikaŭ rajvykankama.
Nahadajem, u sakaviku 2014 Jaŭhien Siniła pakinuŭ post staršyni Vilejskaha rajvykankama. Jak adznačyŭ kiraŭnik Minskaj vobłaści Siamion Šapira, pa ŭłasnym žadańni. Siniła tady atrymaŭ hramatu i hrašovuju premiju za svaju pracu. Ale krychu paźniej stała viadoma, što ŭ dačynieńni da eks-mera rasśledujecca kryminalnaja sprava. Pa viersii Śledčaha kamiteta, čynoŭnik davaŭ zahady kiraŭnikam miascovych arhanizacyj dla pieravozki materyjałaŭ i praviadzieńnia budaŭnictva pryvatnaha doma, u tym liku pry pryciahnieńni rabotnikaŭ u pracoŭny čas biez zaklučeńnia damoŭ na apłatu ich pracy.
Kresła Siniły zaniaŭ Viktar Kot.
