Abłasnyja vykankamy pavodle prapanovy Dziaržaŭnaha pahraničnaha kamiteta Biełarusi pierahledzieli miežy pahraničnaj zony i pałasy i pryniali adpaviednyja rašeńni, paviedamlaje pahranviedamstva.
U Bresckaj i Viciebskaj abłaściach takija rašeńni ŭžo nabyli moc. Najbližejšym časam anałahičnyja źmieny adbuducca i ŭ inšych rehijonach.
«Važnym źjaŭlajecca toje, što z pahraničnaj zony vyklučanyja terytoryi sanatoryjach, damoŭ adpačynku, inšych azdaraŭlenčych ustanoŭ, abjektaŭ kultury, a taksama miescaŭ masavaha adpačynku, vodakarystańnia, vykanańnia relihijnych abradaŭ i inšych miescaŭ tradycyjnaha masavaha znachodžańnia hramadzian, u tym liku i turystyčnyja maršruty, naprykład, nacyjanalnaha parku «Biełaviežskaja pušča», — havorycca ŭ paviedamleńni Dziaržpahrankamiteta.
U toj ža čas u miežach pryniatych rašeńniaŭ na ŭčastkach kryminalnaj aktyŭnaści na pryhraničnych terytoryjach i na podstupach da miažy pahraničnaja zona pavialičycca na 3—5 km, pahraničnaja pałasa — da 1 km. «Hetyja źmieny nie takija istotnyja, ale jany dazvolać zabiaśpiečyć nieabchodnyja ŭmovy dla bolš efiektyŭnych previentyŭnych mier pahraničnaj biaśpieki z ulikam apošnich tendencyj supraćpraŭnaj dziejnaści praź miažu», — adznačajuć u pahranviedamstvie.
Tam źviartajuć uvahu na toje, što aktyŭnaja taktyka imklivych dziejańniaŭ z boku parušalnikaŭ miažy i asob, jakija ažyćciaŭlajuć supraćpraŭnuju dziejnaść, źviazanuju z arhanizacyjaj niezakonnaj tranzitnaj mihracyi, kantrabandy i narkatrafiku, patrabuje adekvatnaj hatoŭnaści z boku orhanaŭ pahraničnaj słužby. Na pieršapačatkovym etapie asnoŭny ŭpor u dziejnaści supracoŭnikaŭ pahraničnaj słužby pa kantroli režymu pahraničnaj zony i pałasy budzie zrobleny niepasredna na infarmacyjna-prafiłaktyčnuju pracu.
«Zakonapasłuchmianyja žychary pamiežža karennych źmienaŭ u suviazi z pryniatymi normami nie adčujuć. U suviazi z hetym prosim hramadzian i subjekty haspadarčaj dziejnaści ŭličvać novyja akaličnaści pry naviedvańni abo praviadzieńni rabot na terytoryjach, jakija ŭvachodziać u abnoŭlenyja miežy pahraničnaj zony i pałasy», — havorycca ŭ paviedamleńni Dziaržpahrankamiteta.
