U Pružanach na vulicy Kaściukova 26 vieraśnia lehkavy aŭtamabil paškodziŭ hazavuju trubu. Vadziciel ź miesiaca zdareńnia ŭciok.
Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, u 0.37 infarmacyja ab hetym pastupiła ŭ Pružanski rajonny adździeł pa NS. Rabotnikami avaryjnaj hazavaj słužby praviedzieny raboty pa źnižeńni cisku ŭ hazavaj sietcy (da 0,5 atmaśfiery) dla nakładańnia bandažu na paškodžanuju trubu. Uciečka hazu likvidavana ŭ 2.24.
Na miescy razryvu pracavali avaryjna-adnaŭlenčaja bryhada pradpryjemstva «Pružanyrajhaz», technika i supracoŭniki MNS i Pružanskaha RAUS.
Asnoŭnyja spažyŭcy hazavaj sietki nie adklučalisia. Mietaličnaja hazavaja truba dyjamietram 50 mm, rabočy cisk hazu — 3 atmaśfiery.
Pa hazapravodzie ažyćciaŭlajecca hazazabieśpiačeńnie Pružanskaha pradpryjemstva mielijaracyjnych sistem. Haz vykarystoŭvajecca dla pracy aciaplalnych katłoŭ u vosieńka-zimovy pieryjad. Na momant avaryi aciaplalny pieryjad nie pačaty, haz nie spažyvaŭsia.
Zamienu paškodžanaha ŭčastka płanujecca zaviaršyć da 13.00.