Government.by
Z kampanijaj General Motors uzhodnieny asnoŭnyja padychody pa stvareńni ŭ Biełarusi vytvorčych mahutnaściej pa vypusku lehkavych aŭtamabilaŭ.
Ab hetym u Ńju-Jorku paviedamiŭ žurnalistam premjer-ministr Biełarusi Michaił Miaśnikovič.
«My damovilisia ab etapnaści stvareńnia hetych mahutnaściej, kab u adpaviednaści z damoŭlenaściami ŭ ramkach Mytnaha sajuza i JEAES vyjści na ŭzrovień łakalizacyi da 1 studzienia 2017 hoda nie nižejšy za 30%, da 1 lipienia 2018 hoda — 50 pracentaŭ i bolš. Dla hetaha akramia bujnavuzłavoj zborki razmova idzie ab stvareńni vytvorčych mahutnaściej pa zvarcy i farbavańni kuzavaŭ», — zajaviŭ Michaił Miaśnikovič.
Pavodle jaho słoŭ, u vyniku pavinny być dasiahnuty abjomy vytvorčaści 20—25 tys. lehkavych aŭtamabilaŭ u hod.
«Pakolki ŭ General Motors jość peŭnyja mahutnaści ŭ krainach Uschodniaj Jeŭropy i Rasijskaj Fiederacyi, my nie budziem paŭtarać hetyja madelnyja šerahi. Na dumku mieniedžmientu kampanii, biełaruskaja vytvorčaść budzie aryjentavana na novyja madeli, jakija nie buduć mieć vialikuju sieryjnaść. Heta śviedčyć ab tym, što rynak budzie zabirać takuju techniku ŭ suviazi ź jaje pryvabnaściu ŭ jakaści novaha madelnaha rada. Viadoma, treba pracavać i nad canoj, kab jana była dastupnaj i pryvabnaj, - adznačyŭ premjer-ministr.
Michaił Miaśnikovič taksama raskazaŭ, što ŭ čas pieramovaŭ pradstaŭniki General Motors padkreślivali pieravahi raboty ŭ Biełarusi, što ŭ niemałoj stupieni abumoŭlena najaŭnaściu kvalifikavanych śpiecyjalistaŭ u halinie techniki.
