Samalot Su-27, jaki raźbiŭsia ŭ Ałmacinskaj vobłaści, prajšoŭ kapitalny ramont u Biełarusi, paviedamlaje Tengrinews.kz sa spasyłkaj na pres-słužbu Ministerstva abarony Kazachstana.
«Samalot Su-27 prajšoŭ kapitalny ramont u 2009 hodzie ŭ Respublicy Biełaruś i mieŭ u zapasie jašče 3 hady ekspłuatacyi», — paviedamili ŭ ministerstvie.
Jak adznačajecca, u pošukavych rabotach było zadziejničana 4 viertaloty armiejskaj avijacyi i 10 pošukavych hrup.
23 vieraśnia kala 20.42 pry praviadzieńni vučebna-trenirovačnych palotaŭ źnikła suviaź z samalotam Su-27 (50). U chodzie pošukavych rabot vyjaŭlena miesca padzieńnia samalota. Ekipaž — padpałkoŭnik Je.Ž. Nauanaŭ i padpałkoŭnik D.I. Harbunoŭ. Ich pošuki praciahvajucca, mahčyma, jany paśpieli katapultavacca, paviedamlaje ahienctva khabar.kz.
