Charčovaja i sielskahaspadarčaja arhanizacyja Abjadnanych Nacyj (FAO) vydzielić Biełarusi $3,1 młn u najbližejšyja try hady na roznyja prajekty techničnaj dapamohi.
Ab hetym było paviedamlena 23 vieraśnia ŭ Minsku, dzie adbyłosia padpisańnie Krainavaj Prahramy supracoŭnictva Biełarusi i FAO na 2014—2016 hady.
Jana ŭklučaje ŭ siabie realizacyju na terytoryi Biełarusi prajektaŭ techničnaj dapamohi pa kiravańni sastarełymi piestycydami; pa apracoŭcy rapsu na ziemlach, zabrudžanych radyjenuklidami ŭ vyniku čarnobylskaj avaryi; pa racyjanalnym kiravańni i abaronie lasoŭ ad pažaraŭ; pa charčovaj biaśpiecy; pa raźvićci i ŭmacavańni nacyjanalnaha patencyjału pa acency, praduchileńni i baraćbie z afrykanskaj čumoj (AČS) śviniej i inšaje.
«My ŭpieršyniu padpisvajem ź Biełaruśsiu Krainavuju Prahramu supracoŭnictva i raźličvajem, što heta pakładzie pačatak našamu dalejšamu rehularnamu supracoŭnictvu», — zajaviŭ namieśnik hienieralnaha dyrektara, rehijanalny pradstaŭnik pa Jeŭropie i Centralnaj Azii FAO Uładzimir Rachmanin.
U svaju čarhu namieśnik ministra sielskaj haspadarki i charčavańnia Vasil Siedzin adznačyŭ, što Biełaruś chacieła b mieć bolš ciesnyja kantakty z FAO. Biełaruski bok prosić akazać sadziejničańnie ŭ stvareńni łabaratoryi pa praviercy jakaści i biaśpiecy ajčynnaha i impartnaha charčavańnia, a taksama raźličvaje na bolš istotnuju dapamohu pa baraćbie z AČS.
«Heta prablema (AČS) datyčycca nie tolki nas, a ŭ cełym usioj Jeŭropy i, moža być, navat śvietu. Zadača FAO — zrabić usio, kab jaje naohuł źniščyć», — skazaŭ Siedzin.
Biełaruś ustupiła ŭ FAO ŭ listapadzie 2005 hoda. U skład FAO ŭvachodziać 197 dziaržaŭ.
U Biełarusi idzie praca pa prajekcie techničnaj dapamohi «Sadziejničańnie pa kantroli ŭspyšak AČS u Biełarusi» ź biudžetam u $420 tys. Akramia taho, u stadyi realizacyi znachodzicca prajekt pa kiravańni sastarełymi piestycydami ź biudžetam prykładna 560 tys. jeŭra.
