Avanturyzm, źmienlivaść, tvorčy pačatak, samazvanstva – heta trykstar.
Jon nikoli nie źjaŭlajecca ŭvasableńniem absalutnaha dabra ci absalutnaha zła, jamu nielha vieryć, tamu što jon zaŭsiody moža zdradzić, za im ryzykoŭna iści, tamu što možna padmanucca. Zališnie davierlivyja mohuć być pakaranyja. Śćviardžajučy iściny i normy, trykstar sam pieršym abviarhaje i źmianiaje ich. Adnak padman trykstara nie vystupaje supraćlehłaściu iściny, jon – hulnia, karnavał, dzie dabro i zło, vysokaje i nizkaje mianiajucca miescami. I ŭ hetaj hulni stvarajecca prastora dla tvorčaści, dla stvareńnia novych kaštoŭnaściaŭ i sensaŭ. Paśla trykstera zaŭsiody zastajecca raznastajnaść, jon nie dazvalaje lubym iścinam, kaštoŭnaściam, aŭtarytetam ustalavać absalutnuju ŭładu nad ludźmi.
Archietyp trykstara – padmanščyka i sprytniahi, ułaścivy ŭsim mifałahičnym sistemam. Čamu čałaviectva stvaryła hety vobraz?
Jakija sacyjalnyja funkcyi jon vykonvaje i jak moža być prydatnym dla asensavańnia sučasnaści razvažaje fiłosaf, prafiesar univiersiteta Vitaŭta Vialikaha (Kaŭnas) Hintaŭtas Mažejkis.
Lekcyja adbudziecca ŭ ramkach cykłu publičnych lekcyj «Latučaha ŭniviersitetu» Urbi et Orbi. 26 vieraśnia ŭ 19.00 u prastory CECH (pr. Niezaležnaści, 58,6). Uvachod volny.
