BiełTA
Pieršy Biełaruska-amierykanski inviestycyjny forum adkryvajecca siońnia ŭ Ńju-Jorku. U intervju žurnalistam napiaredadni hetaha mierapryjemstva premjer-ministr Biełarusi Michaił Miaśnikovič padkreśliŭ, što biełaruski bok pryjechaŭ na forum nie z pustymi rukami.
«U nas jość dastatkova važkija arhumienty, kab aktyvizavać rabotu z amierykanskimi kampanijami, bankami. Nam sapraŭdy treba aktyŭna zachodzić siudy na finansavyja rynki. Jany, na žal, pakul jašče asvojeny niedastatkova, i ab hetym my budziem havaryć», - adznačyŭ jon.
Jak paviedamlałasia, pa vynikach forumu Biełaruś raźličvaje na aktyvizacyju handlova-ekanamičnaha supracoŭnictva z ZŠA. Mierapryjemstva projdzie ŭ formie dyskusijnaj paneli, dzie luby prysutny zmoža zadać pytańnie pradstaŭnikam dziaržorhanaŭ, jakija ŭdzielničajuć u forumie.
Forum budzie padzieleny na try błoki. U pieršym płanujecca abmierkavać pytańni inviestycyjnaha klimatu ŭ Biełarusi, nacyjanalnych inviestycyjnych prajektaŭ, mahčymaści supracoŭnictva ŭ pryjarytetnych siektarach. Druhi błok pytańniaŭ składajuć IT-śfiera i navuka, a treci ŭklučaje ŭ siabie handlova-ekanamičnyja pytańni, pieravahi supracoŭnictva ź Biełaruśsiu z ulikam funkcyjanavańnia AEP i stvareńnia JEAES. Taksama budzie abmierkavana dziejnaść biełaruska-amierykanskaha savieta dziełavoha supracoŭnictva.
