Pytańnie pavyšeńnia piensijnaha ŭzrostu ŭ Biełarusi pakul nie abmiarkoŭvajecca. Pra heta zajaviŭ siońnia Alaksandr Łukašenka ŭ čas sustrečy z pracoŭnym kalektyvam Aršanskaha lnokambinata.
U toj ža čas Łukašenka miarkuje, što ŭ krainie daŭno treba było pavyšać piensijny ŭzrost. «Ale vy hetaha nie chočacie. Ale majcie na ŭvazie: takaja budzie i piensija», — Łukašenka.
«Kali b u nas byŭ vyšejšy piensijny ŭzrost, to vialikuju masu hrošaj my mahli b dzialić na mienšuju kolkaść piensijanieraŭ i piensija była b značna vyšejšaja. Ale kali vy hetaha nie chočacie - dobra. Budziem šukać inšyja šlachi», — adznačyŭ kiraŭnik dziaržavy.
Łukašenka źviarnuŭ uvahu, što ŭ krainie adzin piensijanier prypadaje na 1,3 pracujučaha. «Heta nienarmalna. Treba, kab suadnosiny było chacia b 1:3», — skazaŭ jon.