U Minsku źjaviacca viełaparkoŭki i aŭtobusnyja prypynki, jakija pracujuć na soniečnych batarejach. Realizavać prajekt płanujecca na praciahu 2015 hoda.
Pa słovach pradstaŭnikoŭ kampanii «Hałoŭenierha», jakaja zajmajecca realizacyjaj prajekta, z haradskimi ŭładami ŭžo padpisany dahavor na budaŭnictva 150 viełaparkovak na vulicach biełaruskaj stalicy.
«Na hetych šmatfunkcyjanalnych placoŭkach možna budzie nie tolki pakinuć rovar, ale i zaradzić mabilny telefon, iPad, skarystacca Wi-Fi. Usio heta budzie pracavać całkam aŭtanomna — na soniečnych batarejach»,
— raspavioŭ zasnavalnik «Hałoŭenierha» Fieliks Masiesaŭ
Takija placoŭki płanujecca raźmiaścić u miescach masavaha zboru ludziej — na zapraŭkach, aŭtamyjkach, a taksama na centralnych vulicach horada.
Taksama ŭ 2015 hodzie ŭ Minsku źjavicca sietka aŭtanomnych aŭtobusnych prypynkaŭ, jakija pracujuć na soniečnych batarejach. Heta dazvolić vyrašyć prablemu aśviatleńnia tych prypynkaŭ, jakija znachodziacca daloka ad linij elektrapieradač.
«Ustaloŭvać ich my budziem za ŭłasnyja srodki, a viartać hrošy płanujem za košt tranślacyi rekłamy na śpiecyjalnych ekranach, raźmieščanych na hetych abjektach», — raspavioŭ Masiesaŭ.
