Biełaruski bok hatovy da adkrytaha, zacikaŭlenaha, kanstruktyŭnaha dyjałohu z ofisam pradstaŭnika ABSIE pa pytańniach svabody ŚMI,
zajaviła namieśnik ministra zamiežnych spraŭ Biełarusi Alena Kupčyna 15 vieraśnia na sieminary pa ŭzajemadziejańni orhanaŭ pravaparadku i ŚMI ŭ Minsku.
«Heta ŭžo daloka nie pieršy prykład našaha kanstruktyŭnaha ŭzajemadziejańnia sa spadaryniaj Mijatavič i jaje ofisam. Ciapierašniaje mierapryjemstva źjaŭlajecca svojeasablivym praciaham sieminara-treninhu pa pytańniach raźvićcia internet-ŚMI i anłajn-žurnalistyki ŭ Biełarusi, jaki byŭ paśpiachova praviedzieny sumiesna z ABSIE ŭ lipieni minułaha hoda», — skazała jana.
«Biełaruś nadaje vialikaje značeńnie dyjałohu z ABSIE, svajmu ŭdziełu ŭ dziejnaści hetaj važnaj rehijanalnaj arhanizacyi i ŭzajemadziejańniu ź jaje instytutami, — zapeŭniła namieśnik ministra. — U miežach hetaj najbujniejšaj rehijanalnaj arhanizacyi nazapašany značny ekśpiertny patencyjał, jaki my zacikaŭleny vykarystoŭvać dla ŭdaskanaleńnia našaha nacyjanalnaha zakanadaŭstva».
Miedyjnaja śfiera ŭ Biełarusi «dynamična raźvivajecca» i źjaŭlajecca «adnym z pryjarytetnych kirunkaŭ uzajemadziejańnia z ABSIE», zajaviła Kupčyna.
Hetaja praca viadziecca, z tym kab vybudavać «kanstruktyŭnaje pavažlivaje ŭ miežach zakona ŭzajemadziejańnie pamiž žurnalistami i pravaachoŭnymi orhanami», a taksama «stvaryć umovy dla efiektyŭnaha vykanańnia abodvuma bakami svaich prafiesijnych abaviazkaŭ».
U svaju čarhu pradstaŭnik ABSIE pa pytańniach svabody ŚMI Dunia Mijatavič zaznačyła: takija mierapryjemstvy nieabchodnyja, kab «palepšyć adnosiny pamiž ŚMI i pravaachoŭnymi orhanami». Ideja hetaha sieminara ŭźnikła padčas kantaktaŭ ABSIE ź ministram zamiežnych spraŭ Biełarusi.
Mijatavič zaprasiła ŭdzielnikaŭ forumu «da adkrytaj dyskusii», jakaja «pavysić viedańnie žurnalistaŭ ab svaich pravach na zbor infarmacyi».
«Žurnalisty adkaznyja za nieŭmiašańnie ŭ padziei, jakija jany aśviatlajuć i za abaznačeńnie siabie ŭ jakaści presy». Razam z tym sustreča skiravanaja na toje, kab «pravaachoŭniki lepš razumieli sutnaść uzajemadziejańnia sa ŚMI».
«Abodva baki pavinny pracavać razam, kab harantavać svabodu miedyja ŭ Biełarusi, — skazała Dunia Mijatavič. — Dla hetaha pavinna być palityčnaja vola, žadańnie ŭrada. Za apošni čas kolkaść zatrymańniaŭ [žurnalistaŭ] značna źmienšyłasia, ale navat kali budzie adzinkavaje zatrymańnie — ja budu ŭźnimać heta pytańnie».
Pradstaŭnik ABSIE zaznačyła taksama, što biełaruskaje zakanadaŭstva ŭ śfiery ŚMI «patrabuje ŭdaskanaleńnia», i heta toj kirunak, pa jakim ABSIE «budzie praciahvać pracavać z uradam Biełarusi», paralelna ŭźnimajučy temu biaśpieki pracy žurnalistaŭ.
U adnadzionnym sieminary, jaki prachodzić siońnia ŭ Minsku, biaruć udzieł bolš jak dziesiać biełaruskich žurnalistaŭ dziaržaŭnych i niedziaržaŭnych srodkaŭ masavaj infarmacyi, pradstaŭniki Biełaruskaj asacyjacyi žurnalistaŭ, Ministerstva zamiežnych spraŭ, Ministerstva ŭnutranych spraŭ, Apieratyŭna-analityčnaha centra pry prezidencie, mižnarodnyja ekśpierty, a taksama členy biuro pradstaŭnika ABSIE pa pytańniach svabody ŚMI na čale z Duniaj Mijatavič, jakaja prybyła ŭ Biełaruś z dvuchdzionnym aficyjnym vizitam.
***
Arhanizatarami forumu vystupili ofis pradstaŭnika Arhanizacyi pa biaśpiecy i i supracoŭnictvie ŭ Jeŭropie pa pytańniach svabody ŚMI i biełaruskaje Ministerstva zamiežnych spraŭ.
Ciaham dnia ŭdzielniki mierapryjemstva abmiarkujuć takija pytańni, jak ŚMI i zakanadaŭstva pa vykanańni hramadskaha paradku, ahulnyja pryncypy znosin pamiž žurnalistami i supracoŭnikami pravaachoŭnych orhanaŭ, a taksama razhledziać śpiecyfiku pracy pravaachoŭnikaŭ pry ŭzajemadziejańni z rabotnikami ŚMI na asnovie lepšaj mižnarodnaj i suśvietnaj praktyki. Aprača taho, udzielniki sieminara ŭźnimuć temu vyrašeńnia kanfliktaŭ pamiž rabotnikami ŚMI i supracoŭnikami pravaachoŭnych orhanaŭ.
