kommersant.ru
Deputat ad partyi «Adzinaja Rasija» Alina Kabajeva sychodzić ź Dziarždumy. Kamitet Dziarždumy pa rehłamiencie rekamiendavaŭ nižniaj pałacie parłamienta zadavolić jaje prośbu ab daterminovym spynieńni paŭnamoctvaŭ.
Pa słovach kiraŭnika kamiteta Siarhieja Papova, sychod Kabajevaj źviazany z «pierachodam na inšuju pracu». Čym jana budzie zajmacca ŭ dalejšym, Papoŭ nie ŭdakładniŭ. Jon taksama paviedamiŭ, što anałahičnyja zvaroty pastupili ad deputataŭ-adzinarosaŭ Alaksandra Bahamazova i Viktara Zubarava.
31-hadovaja Alina Kabajeva źjaŭlałasia deputatam Dziarždumy piataha (2007—2011) i šostaha (z 2011 hoda) sklikańniaŭ ad partyi «Adzinaja Rasija». U minułym jana prafiesijna zajmałasia mastackaj himnastykaj, zavajavała bronzu na Alimpijadzie-2000 i zołata na Alimpijskich hulniach 2004 hoda. Taksama Kabajeva dvojčy stanaviłasia absalutnaj čempijonkaj śvietu, a taksama nosić tytuł piacirazovaj absalutnaj čempijonki Jeŭropy i šaścirazovaj absalutnaj čempijonki Rasii.
