Rasiejskija ŚMI paviedamlajuć pra akcyju, jakuju ažyćciavili byccam by try ŭkrainki.
Jany raspranulisia toples na vybarčym učastku ŭ rajonie Kacielničaskoj nabiarežnaj, u tym samym stalinskim šmatpaviarchovym budynku, na špili jakoha rufier Mustanh vyviesiŭ ŭkrainski ściah i razmalavaŭ zorku ŭ kolery hetaha ściaha.
U dzień vybaraŭ u Maskoŭskuju hardumu try dziaŭčyny raspranulisia i pačali vykrykvać łozunhi ŭ padtrymku zachavańnia terytaryjalnaj cełasnaści Ukrainy, paviedamlajuć ŚMI sa spasyłkaj na namieśnika staršyni Masharvybarkama Alaksieja Šlenava.
26-hadovaja Julija Ivanova, 23-hadovaja Kryścina Vaśko i 21-hadovaja Marharyta Vinakurava byli zatrymanyja i dastaŭlenyja ŭ adździeł milicyi Tahanskaha rajona.
Ruch FEMEN zajaviŭ, što zatrymanyja dziaŭčyny nie majuć dačynieńnia da arhanizacyi.
«Ruch FEMEN nie delehavaŭ svaich sekstremistak na vybarčy ŭčastak u Maskvu. Dziaŭčyny na fota nie majuć dačynieńnia da ruchu FEMEN», — havorycca ŭ zajavie na sajcie arhanizacyi.
U FEMEN zajavili, što siońniašniaja akcyja — «pravakacyja kramloŭskich palittechnołahaŭ».
