Padpisańnie dahavora ab admienie vizavaha režymu pamiž Izrailem i Biełaruśsiu adbudziecca ŭ Minsku 19 vieraśnia, paviedamiŭ siońnia ŭ Viciebsku Nadzvyčajny i Paŭnamocny Pasoł Izraila ŭ Biełarusi Iosif Šahał.
Pasoł Izraila prymaje ŭdzieł u mierapryjemstvach mižnarodnaj adukacyjna-kulturna-zabaŭlalnaj kanfierencyi «Art-Limud Biełaruś».
Kamiencirujučy hetu navinu, pasoł adznačyŭ, što znakavaja padzieja dla hramadzian dźviuch krain adbudziecca ŭ pamiaškańni Ministerstva zamiežnych spraŭ Biełarusi. Podpisy pad dakumientam pastaviać ministr zamiežnych spraŭ Biełarusi Uładzimir Makiej i ministr absorbcyi Izraila, sustaršynia izrailska-biełaruskaj kamisii pa ekanamičnym i handlovym supracoŭnictvie Sofa Łandvier.
«Pahadnieńnie ab admienie vizavaha režymu zroblena pa toj ža schiemie, pa jakoj Izrail admianiŭ vizy z Rasijaj i Ukrainaj. Hramadzianie našych krain zmohuć na praciahu 180 dzion, heta značyć paŭhoda, znachodzicca na terytoryi adpaviedna Izraila ci Biełarusi biez afarmleńnia vizy», — skazaŭ Iosif Šahał, padkreśliŭšy, što heta norma raspaŭsiudžvajecca na radavych hramadzian i nie datyčycca ŭładalnikaŭ dypłamatyčnych i słužbovych pašpartoŭ.
Pasoł Izraila źviarnuŭ asablivuju ŭvahu na toje, što z momantu padpisańnia dahavora da ŭstupleńnia jaho ŭ siłu nieabchodny niekatory čas dla prachodžańnia techničnych pracedur. Pra dzień ustupleńnia ŭ siłu dahavora budzie paviedamlena dadatkova.
