11 vieraśnia ŭ minskaj «Čyžoŭka-Arenie» startavaŭ druhi aficyjny čempijanat śvietu pa źmiešanych adzinaborstvach, jaki pravodzicca pad ehidaj Suśvietnaj asacyjacyi MMA (WMMAA). U turniry ŭdzielničajuć spartsmieny bolš čym z 60 krain.
Na pieršym etapie projduć adboračnyja pajadynki da paŭfinałaŭ, finał — 12 vieraśnia ŭ miežach jubilejnaha mižnarodnaha turniru BFC-30. U finale adbuducca tytulnyja bai za pajasy čempijonaŭ śvietu WMMAA.
U liku hanarovych haściej čempijanatu — prezident Sajuza MMA, lehiendarny bajec Fiodar Jemialjanienka. U intervju BiełaPAN jon skazaŭ: «Hety čempijanat — mahčymaść dla chłopcaŭ z kamand roznych krain realizavać siabie ŭ našym vidzie sportu. Pakazać usio, što jany ŭmiejuć i abo stać čempijonam śvietu tut, abo pajści ŭ prafiesijanały, ale ŭžo z dobrym bahažom, peŭnym vopytam i prajavić siabie na mižnarodnaj arenie siarod prafiesijnych spartsmienaŭ.
Biełaruskija bajcy — baksiory, sambisty, dziudaisty — zaŭsiody byli čempijonami, pryziorami mižnarodnych turniraŭ. I ciapier biełaruskaja kamanda nabiraje na vačach, joj patrebien čas».
