U Biełaruskim nacyjanalnym techničnym univiersitecie płanujecca stvaryć mini-biblijateku pad adkrytym niebam.
Ab hetym paviedamiła žurnalistam pieršy namieśnik dyrektara Nacyjanalnaj biblijateki Biełarusi pa absłuhoŭvańni karystalnikaŭ i ideałohii Alena Daŭhapołava.
U svaju čarhu dyrektar Navukovaj biblijateki BNTU Alaksiej Skałaban rastłumačyŭ: «U hetym hodzie my dałučylisia da ruchu Little Free Library (Maleńkaja biaspłatnaja biblijateka) pa stvareńni mini-biblijatek pad adkrytym niebam, u jakim udzielničajuć 15 tys. biblijatek z 50 krain. Prajekt padobny da bukkrosinhu, pakolki heta taksama kruhavarot knih».
Maleńkaja biaspłatnaja biblijateka ŭjaŭlaje saboj domik z knihami, kudy moža zajści luby žadajučy, zabrać adnu ci dźvie knihi, ale ŭzamien taksama pakłaści svoj ekzemplar, kab padzialicca ź inšymi.
