SBU zajaŭlaje, što zachapiła 10 rasijskich sałdat
Ministr abarony Ukrainy Valeryj Hielaciej raźmiaściŭ siońnia ŭ svaim fejsbuku zvarot da rodnych i blizkich rasijskich vajennasłužačych:
«Siońnia Uzbrojenyja Siły Ukrainy zachapili ŭ pałon šmat rasijskich vajskoŭcaŭ. Aficyjna jany znachodziacca na vučeńniach u samych roznych kutkach Rasijskaj Fiederacyi. Realna — udzielničajuć u vajennaj ahresii suprać Ukrainy. Ich rodnyja daŭno nie mohuć vyjści ź imi na suviaź i nie viedajuć ničoha pra ich miescaznachodžańnie. Terarysty zasypajuć cieły zahinułych budaŭničaj technikaj, nie pakidajučy navat nadpisaŭ na kryžach.
Ja źviartajusia da svajakoŭ rasijskich vajskoŭcaŭ.
Nieadkładna daviedajciesia, dzie na samaj spravie znachodziacca vašy rodnyja. Zabiarycie ich z Ukrainy, dzie jany vymušanyja hinuć za pryvatnyja intaresy žmieni kramloŭskich čynoŭnikaŭ, jakim abyjakavy los vašych svajakoŭ i vašaj krainy».
