2 žniŭnia ŭ Minsku pabity tempieraturny rekord dnia amal 80-hadovaj daŭniny. Tempieratura pavietra dajšła da 34,5 hradusaŭ ciapła. Raniejšy maksimum, zafiksavany 2 žniŭnia 1936, składaŭ 33 hradusy.
Upaŭ rekord dnia i ŭ maštabach usioj krainy. Jon byŭ roŭny 35 hradusam i byŭ zarehistravany ŭ Vasilevičach taksama 78 hadoŭ tamu. Novy ekstremum - 35,5 hradusa ŭ Kaściukovičach.
Siońnia, 3 žniŭnia ŭ Minsku čakajecca jašče haračejšaje nadvorje - 33-35 hradusaŭ. Heta aznačaje, što moža być pabity rekord nie tolki miesiaca (34,6 hradusa 24 žniŭnia 2007), ale i za ŭvieś pieryjad mieteanazirańniaŭ (35 hradusaŭ 29 lipienia 1936).
Na 3 žniŭnia ŭ Biełarusi abjaŭleny čyrvony ŭzrovień niebiaśpieki. A voś 4 žniŭnia śpioka krychu spadzie: terytoryju krainy pavinien pierasiekčy chałodny atmaśfierny front, jaki ranicaj u niadzielu padyšoŭ z zachadu ź niamiecka-polskaj miažy.
