Premjer-ministr Rasii Dźmitryj Miadźviedzieŭ padpisaŭ pastanovu, jakoj praduhledžana zabarona na dziaržzakupki aŭtamašyn i techniki zamiežnaj vytvorčaści. Ab hetym kiraŭnik rasijskaha ŭrada zajaviŭ siońnia na naradzie ź vice-premjerami.
«Na nabyćcio tavaraŭ i pasłuh ź fiederalnaha biudžetu vydzialajucca kałasalnyja srodki, i, zychodziačy z ahulnych mierkavańniaŭ, lepš, kali jany dastajucca ajčynnym kampanijam, a nie zamiežnym vytvorcam. U tym liku, viadoma, kali ajčynnyja kampanii zdolny kankuryravać z zamiežnymi vytvorcami pa jakaści i cenavym kryteryi», — skazaŭ Dźmitryj Miadźviedzieŭ.
Dakumient ustanaŭlivaje zabaronu na dziaržaŭnyja i municypalnyja zakupki roznych vidaŭ techniki zamiežnaj vytvorčaści, ale razmova idzie nie tolki ab aŭtamabilach čynoŭnikaŭ, ale i ab hramadskim transparcie, śpiectechnicy estrannych słužbaŭ, biudžetnych arhanizacyj i kamunalnikaŭ.
«Hety dakumient nie aznačaje poŭnuju admovu ad supracoŭnictva z zamiežnymi kampanijami. Heta było b niapravilna. Naadvarot, jon praduhledžvaje raźvićcio vytvorčaj kaapieracyi rasijskimi pradpryjemstvami, u tym liku ŭ vyhladzie łakalizacyi vytvorčaści pa šerahu techničnych uzoraŭ», — adznačyŭ Dźmitryj Miadźviedzieŭ. Jon rastłumačyŭ, što razmova idzie nie ab zabaronie zamiežnych brendaŭ, a ab technicy, jakaja vyrablajecca na terytoryi inšych krain.
Taksama ŭrad RF maje namier abmiežavać zakupku zamiežnaj miedycynskaj techniki ŭ tym vypadku, kali jaje anałahi vyrablajucca ŭ Rasii. «Naša miedycynskaja pramysłovaść realna stała na nohi. U paraŭnańni z tym, što my mieli 10-15 hadoŭ tamu, — heta nieba i ziamla, vialikaja kolkaść miedycynskaj aparatury vyrablajecca ŭ Rasii, ale heta nie značyć, što my pavinny admaŭlacca ad taho, čaho ŭ našaj krainie niama», — zaŭvažyŭ Dźmitryj Miadźviedzieŭ. Pavodle danych vice-premjera Arkadzia Dvarkoviča, pieralik miedycynskaj techniki, jakaja padpadzie pad abmiežavańni, uzhadniajecca.
Akramia taho, urad RF maje namier abmiežavać zakupku zamiežnaha abstalavańnia dla tekstylnaj pramysłovaści. Jak paviedamiŭ na naradzie Arkadź Dvarkovič, adpaviedny prajekt pastanovy budzie pradstaŭleny na podpis premjer-ministru RF na praciahu dvuch-troch tydniaŭ. «Bazavy pieralik abstalavańnia ŭžo vyznačany, vialikich roznahałośsiaŭ niama», — adznačyŭ Dvarkovič.
