Fota BiełTA.
Z 1 žniŭnia 2014 h. płatnymi stanuć niekatoryja adrezki daroh M-5 Minsk — Homiel, M-6 Minsk — Hrodna, M-7 Minsk — miaža ź Litvoj i R-1 Minsk — Dziaržynsk.
U vyniku ahulnaja praciahłaść sietki płatnych aŭtadaroh u krainie dasiahnie 1.189 km.
Praduhledžana taksama adkryćcio vaśmi punktaŭ absłuhoŭvańnia karystalnikaŭ sistemy BelToll, u tym liku ŭ Minsku, Hrodnie, Ščučynie, Ašmianach, Marjinaj Horcy.
BelToll — heta elektronnaja sistema zboru płaty za prajezd, jakaja zasnavana na vykarystańni technałohii śpiecyjalizavanaj radyjosuviazi na karotkich adlehłaściach, jakaja dazvalaje spahaniać zbory z karystalnikaŭ darohi biez spynieńnia transpartnych srodkaŭ. Jaje kamiercyjnaja ekspłuatacyja pačałasia ŭ Biełarusi 1 žniŭnia 2013 hoda.
U adpaviednaści z ukazam № 426 ad darožnych zboraŭ vyzvalajucca transpartnyja srodki, zarehistravanyja na terytoryi krain Mytnaha sajuza, z technična dapuščalnaj ahulnaj masaj nie bolš za 3,5 t.
Biaspłatna mohuć prajechać mapiedy i matacykły, zarehistravanyja ŭ Biełarusi, kołavyja traktary i samachodnyja mašyny, transpartnyja srodki apieratyŭnaha pryznačeńnia, a taksama tyja, što vykarystoŭvajucca ŭ metach zabieśpiačeńnia abaronazdolnaści i pravaparadku. Nie treba płacić kiroŭcam maršrutak dla haradskich pieravozak pasažyraŭ, aŭtamabilaŭ, jakija vykarystoŭvajucca dla akazańnia mieddapamohi abo pieravozak hruzaŭ humanitarnaj dapamohi nasielnictvu Biełarusi i inšych krain.
