U Rya-de-Žaniejra na lehiendarnaj arenie «Marakana» adbyłasia cyrymonija zakryćcia Čempijanatu śvietu pa futbole 2014 hoda.
Cyrymonija prachodziła na scenie, vykładzienaj prama na futbolnym poli i stylizavanaj pad brazilski ściah. U pačatku pradstaŭleńnia na scenie źjavilisia čatyry 3-mietrovyja fihury, kožnaja sa svaim značeńniem — Svaboda, Salidarnaść, Raznastajnaść, Žarść. Potym źjavilisia dziaŭčaty ŭ nacyjanalnych brazilskich sukienkach sa ściahami 32 krain-udzielnic turniru. Centralnymi fihurami byli damy ŭ sukienkach sa ściahami Hiermanii i Arhienciny, jakich supravadžali kavalery, u vopratcy nacyjanalnych kamand krain-udzielnic finału i z aficyjnymi miačami turniru.
Pieśniu zakryćcia ČS-2014 vykanała pop-dziva Šakira razam z Karłasam Santanaj i Vajklefam Džynam. Taksama svaju pieśniu vykanaŭ viadomy brazilski vykanaŭca ŭ styli «samba» Alešandra Pires.
Nahadajem, što himn čempijanatu na adkryćci ČS vykonvała inšaja suśvietna viadomaja śpiavačka Dženifier Łopies.
Paśla cyrymonii zakryćcia turniru, u 22.00 adbudziecca finalny matč Čempijanatu śvietu pa futbole-2014, u jakim syducca nacyjanalnyja zbornyja Hiermanii i Arhienciny.
