U Maskvie ŭ chutkim časie mohuć pačać štrafavać tych, chto padaje miłaścinu. Hetuju mahčymaść nie vyklučyŭ namieśnik načalnika pravavoha ŭpraŭleńnia maskoŭskaha HU MUS RF Uładzimir Šulcaŭ.
«Zaraz budzie adbyvacca dapracoŭka našaha prajekta. Staršynia kamisii pa zakanadaŭstvie Mashardumy, uvohule daŭ dabro na toje, kab sumiesna pryvieści ŭsie prablemnyja pytańni, u tym liku hetaje, da adnoj roŭnicy», — skazaŭ jon.
Raniej HU MUS prapanavała staličnamu parłamientu vyłučyć klenčańnie ŭ asobny skład administracyjnaha pravaparušeńnia i pavialičyć štrafy za jaho da 2,5-5 tysiač rubloŭ. Pa słovach inicyjataraŭ hetaha prajekta, ciapier u supracoŭnikaŭ palicyi faktyčna adsutničaje mahčymaść pryciahvać asob, jakija zajmajucca žabravańniem ŭ pasiŭnaj formie.
«Faktyčna jany nie prystajuć da ludziej, a moŭčki stajać u pierachodach, zaminajučy ŭ hadziny pik prachodu hramadzianam u mietrapalitenie. Albo chodziać taksama ŭ hadziny pik pa vahonach i svaim vyhladam vyprošvajuć achviaravańni», — adznačyŭ Šulcaŭ.
