Śpiecpadraździaleńni Nachvardyi Ukrainy ŭ chodzie ATA ŭvajšli i ŭziali pad kantrol nasieleny punkt Zakotnoje, što pablizu Słavianska, paviedamlaje fejsbuk Nachvardyi.
U chodzie śpiecapieracyi paranienyja troje bajcoŭ Nachvardyi, zabitych z boku ŭkrainskich vajskoŭcaŭ niama. Bai praciahvajucca.
Mocnaje supraćstajańnie nazirajecca na Karłaŭskim vadaschoviščy ŭ Jasinavackim rajonie. Ukrainskija vajskoŭcy zdoleli likvidavać błokpasty bajevikoŭ u siołach Piaski i Karłaŭka. Aktyŭnyja pierastrełki viaducca ŭ rajonie dysłakacyi terarystaŭ u Marjincy, pryharadach Daniecka, pasiołkach Kanstancinaŭka, Pabieda i Novamichajłaŭka. Vajennyja dziejańni viaducca ŭzdoŭž linii miažy kala siołaŭ Dźmitraŭka i Ściapanaŭka, paviedamlajuć vestiua.com.
0
0
0
0
0
0
